Bimini é o distrito máis occidental das Bahamas, composto por unha cadea de illas situadas a uns 81 km. ao leste de Miami, Florida. Bimini, é o punto máis próximo das Bahamas á parte continental de Estados Unidos e aproximadamente a 209 km. ao oeste-noroeste de Nassau.
Localización | |||||
---|---|---|---|---|---|
| |||||
Reinos da Commonwealth | Bahamas ![]() | ||||
Capital | Alice Town (en) ![]() ![]() | ||||
Xeografía | |||||
Superficie | 23 km² ![]() | ||||
Bañado por | Mar Caribe ![]() | ||||
Altitude | 11 m ![]() | ||||
Identificador descritivo | |||||
Fuso horario | |||||
ISO 3166-2 | BS-BI ![]() | ||||
Xeografía
As illas máis grandes son Bimini Norte e Bimini Sur. O Distrito de Bimini tamén inclúe Cay Sae Bank, a máis de 100 km. ao sur, aínda que xeograficamente non é unha parte das illas de Bimini. Bimini Norte ten preto de 11 km. de longo e 210 m. de ancho. O seu principal asentamento é Alice Town, unha serie de tendas, restaurantes, e bares ao redor dunha soa estrada, coñecida como "Camiño do Rei".
Bimini Sur alberga unha pista de aterraxe, South Bimini Airport, e ofrece unha alternativa tranquila ao barullo de Bimini Norte. Hai unha pequena comunidade de vivendas no sur de Bimini coñecido como Port Royale. Durante moitos anos, os turistas de Bimini Sur limitábanse aos navegantes, porque había poucos aloxamentos que non fosen vivendas particulares.
O océano que rodea as illas é considerado como un dos principais lugares do mundo de pesca de altura deportiva. Como Bimini está preto de Miami, Florida, moitos pescadores estadounidenses acoden á illa en barco para pescar ou para gozar da vida nocturna local. As actividades de mergullo tamén son populares, xa que hai moitos naufraxios na zona, tales como os restos da SS Sapona , que encallou en 1926 durante un furacán. A parte superior da nave está exposta ao aire, mentres se mergulla a metade inferior.
Historia
Bimini é o fogar de varios lugares que dise conteñen propiedades místicas de orixe escura. Gran parte dos datos históricos destes lugares son de natureza especulativa. O máis polémico destes sitios é O Camiño de Bimini.
![Thumb](http://upload.wikimedia.org/wikipedia/commons/thumb/b/be/Chalks_Turbo_Mallard_at_Bimini.jpg/640px-Chalks_Turbo_Mallard_at_Bimini.jpg)
Durante o período da prohibición nos Estados Unidos, Bimini era un refuxio favorito e punto de subministración para o comercio de alcol de contrabando.
A Internacional de Chalk's Airlines cubría os voos entre Miami e as Bahamas desde 1917, polo que a empresa era unha institución na illa por xeracións. As mercancías na illa eran caras debido aos custos de envío, polo que moitos aldeáns utilizaban os voos para comprar bens máis baratos na Florida e levar as mercancías a Bimini. Un Grumman Turbo Mallard que facía o Voo 101 en ruta a Bimini, estrelouse o 19 de decembro de 2005 matando aos 18 pasaxeiros e 2 tripulantes, once dos pasaxeiros eran residentes de Bimini.
Só unhas semanas máis tarde, o 13 de xaneiro de 2006, un dos establecementos máis famosos de Bimini, o Hotel Compleat Angler queimouno o lume. O bar é moi recordado polas fotografías e recordos de Ernest Hemingway que se aliñaban nas súas paredes, estas fotos perdéronse no lume, que tamén cobrou a vida do propietario, Julian Brown.
A lenda da fonte da mocidade
Juan Ponce de León na súa procura da fonte da mocidade incluíu referencias a Bimini. Os arauacos ou taínos falaban dunha terra chamada "Beimini", onde a fonte púidose atopar. Aínda que a localización foi erroneamente asociada coas Bahamas, os indíxenas refírense a unha localización no golfo de Honduras. A expedición de León levouno a Florida, pero a fonte rumoréase que está dentro das piscinas de pouca profundidade de Bimini Sur. Hoxe en día hai un pequeno pozo de auga doce cunha placa conmemorativa da Fonte da Mocidade, localizada na estrada que conduce ó aeoportode Bimini Sur.
Tamén nun mangleiral de auga salgada, a 6 km de Bimini Norte está The Healing Hole, unha piscina que se atopa ao final dunha rede de túneles sinuosos que se estenden baixo terra. Durante a marea saínte, estas canles bombean, auga mineral fresca na piscina. Litio e xofre naturais son dous dos minerais que figuran nestas augas, que parecen exhibir propiedades curativas, polo que xente expresa un sentido de rexuvenecemento físico e mental logo da súa visita.
Residentes notables
Ernest Hemingway viviu en Bimini 1935 a 1937, permanecendo no Hotel Compleat Angler. Traballou en To Have and Have Not e escribiu algúns artigos, pero sobre todo el pescou a bordo do seu barco Pilar, ó corricán nas augas azul mariño en mar aberto agulla azul, atún e peixe espada. Hemingway sentíase atraído polos contos de Bimini da incrible pesca dispoñible na Corrente do Golfo, o lendario "río" de auga quente que corre cara ao norte pasando as Bahamas. Unha agulla azul do Atlántico cun peso de 230 kg collido en Bimini supostamente inspirou Hemingway a escribir O Vello e o Mar e Islands in The Stream.