![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/17/Moroccan-Quarter-Western-Wall-Jerusalem-Old.jpg/640px-Moroccan-Quarter-Western-Wall-Jerusalem-Old.jpg&w=640&q=50)
Barrio marroquí de Xerusalén
From Wikipedia, the free encyclopedia
O Barrio marroquí [1] ou Barrio mughrabi[2] (árabe: حارَة المَغارِبة Hārat al-Maghāriba, hebreo: שכונת המוגרבים, Sh'khunat HaMughrabim) foi un barrio de 800 anos de antigüidade que formaba parte da Cidade vella de Xerusalén. Chegaba até o muro occidental do Monte do Templo ao leste (incluíndo o Muro das Lamentacións), e até os muros da Cidade Vella ao sur. Lindaba co barrio xudeu ao oeste e co barrio musulmán ao norte.
![Thumb image](http://upload.wikimedia.org/wikipedia/commons/thumb/1/17/Moroccan-Quarter-Western-Wall-Jerusalem-Old.jpg/640px-Moroccan-Quarter-Western-Wall-Jerusalem-Old.jpg)
Tiña varias escolas e institucións relixiosas. Era o quinto e máis pequeno barrio da antiga Xerusalén, e foi demolido por completo en 1967 polo goberno israelí a fin de facilitar o acceso público ao Muro das Lamentacións. No século XXI, a maior parte da súa superficie foi absorbida polo barrio xudeu e non queda practicamente ningunha pegada da súa existencia.