![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1c/WildWaterBuffalo%2528Bubalus_bubalis_arnee%2529.jpg/640px-WildWaterBuffalo%2528Bubalus_bubalis_arnee%2529.jpg&w=640&q=50)
Búfalo acuático salvaxe
From Wikipedia, the free encyclopedia
O búfalo acuático salvaxe ou arni, Bubalus arnee (Robert Kerr, 1792), é un gran bovino propio do sueste asiático.
![Thumb image](http://upload.wikimedia.org/wikipedia/commons/thumb/1/1c/WildWaterBuffalo%28Bubalus_bubalis_arnee%29.jpg/640px-WildWaterBuffalo%28Bubalus_bubalis_arnee%29.jpg)
O bufalo aucático salvaxe é o antecesor do doméstico, ou búfalo de río, do subcontinente indio (Bubalus bubalis bubalis) e tamén do carabao ou búfalo de pantano (Bubalus bubalis carabanesis), de Filipinas, e o segundo maior bóvido salvaxe, só tras o gaur.
A especie considérase en perigo, segundo a Lista Vermella da UINC, desde 1986, ao ter, daquela, unha poboación de 4.000 individuos, con menos de 2.500 individuos maduros.[1]
A súa poboación estimada (en 2010) era de 3.400 individuos, dos cales 3.100 (o 91 %) vivían na India, principalmente en Assam.[2]
É de maior tamaño e máis pesado do que o doméstico. Pode chegar aos 1.200 kg, cunha lonxitude de 240 a 300 cm, máis de 60 a 100 cm de cola, e unha altura na cruz de 150 a 190 cm. Ambos os sexos teñen cornos largos na base, diverxentes, e cunha envergadura entre as puntas de até os 2 m. A coloración vai da gris cinza á negra. O pelo é moderadamente longo, cunha guedella na fronte.[3]