![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9d/Heart_left_ventricular_outflow_track.jpg/640px-Heart_left_ventricular_outflow_track.jpg&w=640&q=50)
Aurícula cardíaca
From Wikipedia, the free encyclopedia
As aurículas cardíacas son dúas das catro cavidades que hai na parte superior do interior do corazón. As dúas aurículas denomínanse, segundo a súa localización anatómica, aurícula dereita e mais aurícula esquerda (segundo o punto de vista do paciente). Sepáranse dos ventrículos (as outras dúas cavidades inferiores) por medio das válvulas auriculoventriculares, isto é, as válvulas mitral (para a esquerda) e tricúspide.
![Thumb image](http://upload.wikimedia.org/wikipedia/commons/thumb/9/9d/Heart_left_ventricular_outflow_track.jpg/640px-Heart_left_ventricular_outflow_track.jpg)
A aurícula dereita recibe o sangue que provén das veas cavas (superior e mais inferior), que traen o sangue desosixenado dende os tecidos do organismo. Por outra banda, aurícula esquerda, recibe o sangue que vén dos pulmóns. A aurícula esquerda posúe un apéndice chamado apéndice atrial esquerdo (do inglés left atrial appendage, onde a aurícula se coñece como atrium, "adro", e denominado en castelán como orejuela).