Asadur, Maceda
parroquia civil do concello de Maceda From Wikipedia, the free encyclopedia
parroquia civil do concello de Maceda From Wikipedia, the free encyclopedia
Asadur é unha parroquia do concello de Maceda. Segundo o IGE en 2011 tiña 123 habitantes (60 homes e 63 mulleres). Está situada nas abas do monte do Rodicio,
Asadur | |
---|---|
Estrada de Coruxas a Baldrei. | |
Concello | Maceda[1] |
Provincia | Ourense |
Coordenadas | 42°17′37″N 7°36′40″O |
Poboación | 94 hab. (2019) |
Entidades de poboación | 12[1] |
[ editar datos en Wikidata ] |
Na igrexa parroquia consérvase unha pedra cunha inscrición en latín posiblemente do século III, que foi usada como ara do altar maior ata a reforma do Concilio Vaticano II. O texto é unha dedicatoria ó cuestor romano Licinius, e di: Q. Licinio Veget. / res p. Int. / super alia con/plura merita / pares cum fisco/ rationes infati/gabili cura et / industria eius / consecuta ("A república dos Interamnenses fai esta dedicatoria a Quinto Licionio, especialmente a causa da súa infatigable preocupación e traballo por obter do Fisco xustiza nos tributos para aquela"). Patrick Le Roux[2] afirma que esta inscrición "permite situar de modo case seguro o lugar central dos interamici". Patrick Le Roux situaría a civitas Interamicorum e o seu oppidum de nome descoñecido na aldea de Asadur.
O topónimo Asadur procede do latín Saturius ou villa Saturii. Na Idade Media era o lugar era coñecido como Costa de Sadur. Hai constancia documental deste lugar[3] dende o século X ata mediados do século XIV por fundarse un mosteiro de monxas bieitas.
No lateral oeste da igrexa (fachada exterior da sancristía) consérvase un baixorrelevo[4] que Emilio Duro Peña (1973) cualificou de prerrománico e Elixio Rivas Quintas[5] de visigótico. Na esquina superior dereita aparece unha breve inscrición en dobre liña: "IhS IN CRU/CE" ("Xesús na Cruz").
A carón da epístola, na capela da Virxe Dolorosa, hai un sarcófago onde está soterrado Pedro Vázquez de Castro, Comisario do Santo Oficio e señor dos cotos de Outeiro do Cabo, Cas García e granxa da Chaira de Vascós. Na parede, debaixo do escudo, unha inscrición rota por unha ventá aberta con posterioridade di: "Esta capela (fundou e) dotou o Ldo. Pº Vázquez de Cas(tro comi)sario do sto. oficio e abade de Asad(ur an)o de 1656". No frontal do sepulcro aparece o texto: "Aquí está o corpo do comissario (Pedro) Vázquez fundador desta capela. Ano de 1656".
Lugares da parroquia de Asadur no concello de Maceda (Ourense) | |
---|---|
Amedo | Asadur | Baldrei | O Campo | Celeirón | Coruxas | Outeiro do Cabo | Parada | Paradiña | A Parrocha | O Rial | Somoza |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.