A arteria braquial ou arteria umeral é unha arteria do membro superior. Áchase no compartimento anterior do brazo. Comeza no bordo inferior do músculo redondo maior, coma prolongación da arteria axilar, e termina na articulación do cóbado, onde se bifurca en arteria radial e arteria cubital.
Na zona proximal do brazo, a arteria braquial sitúase na superficie medial. Na zona distal do brazo, desprázase en sentido lateral, para adoptar unha posición a medio camiño entre o epicóndilo lateral e o medial do úmero. Cruza a articulación do cóbado polo lado anterior, onde se sitúa inmediatamente por dentro do tendón do bíceps braquial.
Pólas
Van destinadas a abastecer os músculos do brazo. As pólas máis importantes son:
- Arteria braquial fonda
- Dúas arterias cubitais, que se distribúen polo cóbado, formando un plexo vascular.
- Arterias nutricias do úmero
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.