piloto de carreiras e industrial arxentino From Wikipedia, the free encyclopedia
Alejandro de Tomaso, nado o 10 de xullo de 1928 en Buenos Aires, finado o 21 de maio de 2003 en Módena, Italia foi un piloto de carreiras e industrial arxentino. O seu nome vese ás veces en italiano como Alessandro de Tomaso. Participou en dous Grandes Premio do Campionato Mundial de Fórmula Un, debutando o 13 de xaneiro de 1957. Non anotou ningún punto de campionato.
![]() (1965) ![]() | |
Biografía | |
---|---|
Nacemento | 10 de xullo de 1928 ![]() Buenos Aires, Arxentina ![]() |
Morte | 21 de maio de 2003 ![]() Módena, Italia ![]() |
Datos persoais | |
País de nacionalidade | Arxentina ![]() |
Actividade | |
Ocupación | enxeñeiro , empresario , piloto de Fórmula Un , emprendedor ![]() |
Lingua | Lingua castelá, lingua italiana e lingua inglesa ![]() |
Deporte | automobilismo ![]() |
Malia a súa carreira na Fórmula Un, de Tomaso é moito máis importante e coñecido no mundo do motor como fabricante de automóbiles. Fundou a empresa italiana de autos deportivos De Tomaso Automobili en 1959, e máis tarde construíu un importante imperio de negocios.
Nado na Arxentina nunha familia política prominente, de Tomaso fuxiu en 1955 a Italia[1] de onde o seu avó paterno emigrara, aos seus trinta anos, logo de verse implicado nun complot para derrocar ao presidente arxentino, Juan Perón. Instalouse en Módena e comezou a súa carreira na industria do automóbil como piloto de carreiras de Maserati e OSCA. Casou con Isabelle Haskell, unha herdeira estadounidense que tamén corría en coches.
En 1959 fundou a empresa de automóbiles De Tomaso en Módena, orixinalmente para construír prototipos e coches de carreiras, que incluíu un coche de Fórmula Un para o equipo Frank Williams en 1970. Logo De Tomaso decidiuse polos coches deportivos de alto rendemento, a maioría dos cales utilizaban chasis de aluminio, que se converteron no distintivo técnico da empresa. Os coches De Tomaso inclúen o dúas portas, con motor central Vallelunga, Mangusta e Pantera; o Deauville, unha berlina de catro portas parecido ao Jaguar XJ6 e o Longchamp, unha versión cupé de dúas portas do Deauville que máis tarde foi a base do Maserati Kyalami. O produto máis recente de De Tomaso foi o Guarà, un deportivo de dúas portas con carrozaría de fibra de carbono.
Durante os anos 1960 e 1970, de Tomaso adquiriu unha serie de participacións industriais italianas, así como dos estudos de carrozarías Ghia e Vignale. Fíxose co control das marcas de motocicletas Benelli e Guzzi e da empresa de coches Innocenti (fundada como unha rama da British Motor Corporation para construír minis en Italia), e, en 1975, do coñecido fabricante de automóbiles deportivos Maserati, que rescatou da creba coa axuda do goberno italiano. Co tempo, vendeu moitas das súas explotacións; Ghia foi vendido a Ford (que faría moito uso do nome) en 1973; Innocenti e Maserati vendéronse a Fiat (que pechou rapidamente a primeira) en 1993.
De Tomaso sufriu un derrameo cerebral en 1993, e o funcionamento do día a día da compañía De Tomaso pasou ao seu fillo Santiago.
Axudou na enxeñería da versión deportiva da cuarta xeración do Daihatsu Charade, presentado 1994, e que foi coñecido como o Daihatsu Charade De Tomaso.
Alejandro de Tomaso morreu en Italia en 2003.
(Chave) As carreiras en letra grosa indican pole position; as carreiras en cursiva indican volta rápida.
(Carreiras en negra indican pole position) (Carreiras en italica indican volta rápida)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.