![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/25/Enrique_Tierno_y_Ram%25C3%25B3n_Tamames_%2528cropped%2529.jpg/640px-Enrique_Tierno_y_Ram%25C3%25B3n_Tamames_%2528cropped%2529.jpg&w=640&q=50)
Alcalde, alcaldesa
persoa que preside a corporación municipal / From Wikipedia, the free encyclopedia
Alcalde,[1] termo derivado do árabe قاضي, qāḍī, que significa "xuíz", é un funcionario público que se atopa á fronte da administración local básica dun país ou forma parte dela.
- Non confundir con alcaide.
![Thumb image](http://upload.wikimedia.org/wikipedia/commons/thumb/2/25/Enrique_Tierno_y_Ram%C3%B3n_Tamames_%28cropped%29.jpg/320px-Enrique_Tierno_y_Ram%C3%B3n_Tamames_%28cropped%29.jpg)
Nos distintos países existe unha ampla variedade de regulacións legais ou consuetudinarias, tanto no relativo ás competencias e responsabilidades do alcalde como na forma en que é elixido.
Historicamente, en partes de Castela o alcalde tamén exercía tamén as funcións de xuíz. Os poboados que ostentaban ese privilexio tiñan o título de vila (ou de cidade). A administración municipal das outras poboacións estaba nas mans dun corrixidor. Por esta razón, as vilas tiñan dereito a erixir un rollo, lugar de axustizamento. Existiu ademais, no Reino de Castela, o cargo de Alcalde de Casa e Corte da súa Maxestade, funcionario xudicial que impartía xustiza na Sala de Alcaldes de Casa e Corte.
O cargo de alcalde ten unha duración normalmente de 4 a 6 anos e pode ser reelixido na maioría dos países. Habitualmente está ao cargo de velar polos intereses dos seus concidadáns, representándoos ante a autoridade xerárquica maior, ademais de impulsar políticas locais para mellorar a súa calidade de vida, como programas de saúde ou deporte, e combater contra a delincuencia, entre outras tarefas.