Remove ads
B' e saighdear agus neach-poileataigs à Coloimbia[1] a bh' ann an Gabriel París Gordillo (Ibagué 8 am Màrt 1910 - Girardot (Cundinamarca) 21 am Màrt 2008). Bha esan os cionn Riaghaltas na dùthcha bho 10 an Cèitean 1957 gu ruige 7 an Lùnasdal 1958. Fhad ‘s a bha e os cionn an Riaghaltais chaidh an siostam agus na bun-nòsan poileataigeach deamocratach na dùthcha, gan stadadh bho 1948, a chur air bhog a-rithist.[2][3]
| Gabriel París | |||
|---|---|---|---|
.jpg) | |||
10 dhen Chèitean 1957 - 7 dhen Lùnastal 1958 ← Gustavo Rojas Pinilla - Alberto Lleras Camargo → | |||
| Beatha | |||
| Breith | Ibagué, 8 dhen Mhàrt 1910 | ||
| Dùthaich |
 Coloimbia | ||
| Bàs | Girardot, 21 dhen Mhàrt 2008 | ||
| Àite-adhlacaidh |
Central Cemetery of Bogotá (en)  | ||
| Nàdar a’ bhàis | adhbharan nàdarra (am fiabhras-clèibhe) | ||
| Foghlam | |||
| Foghlam | Colaiste Luchd-riaghlaidh is Luchd-obrach Coitcheann Arm nan Stàitean Aonaichte | ||
| Cànain | Spàinntis | ||
| Dreuchd | |||
| Dreuchd | neach-poileataigs | ||
| Seirbheis san arm | |||
| Meur an airm | Arm Nàiseanta Choloimbia | ||
| Ìre | oifigeach coitcheann | ||
| Strì |
Colombian-Peruvian War (en) | ||
| Creideamh | |||
| Pàrtaidh poileataigeach | Pàrtaidh Glèidhteachail Choloimbia | ||
Bhuineadh París Gordillo dhan teaghlach chumhachdail París Ricaurte. Fhuair e a chuid fhoghlam aig an sgoil San Simón ann an Ibagué agus chaidh e dhan Sgoil-Shaighdearachd ann an 1928. Bha e na cheannard na buidhne-chatha Páez fad iomadh bliadhna. Thug e cliù dhàsan fhèin aig a’ Bhlàr Línea Baraya-La Tagua tron Chogadh Choloimbia-Phearu ann an 1933. Phòs e aig María Felisa Quevedo París 28 an t-Sultain 1936: bha iad anns na oghaichean.[4] Rug i ceathrar duine-cloinne dha: Gabriel, Jaime, Gloria agus Ligia.
Aig toiseach toisichidh deachdaireachd an Airm bha e na Mhinistear thall thairis aig na Nàisean Aonaichte ann an Eabhraig Nuadh. An uair sin bha e na Ministear a' Cheartais (9 an Gearran 1954 - 7 an Lùnastal 1954), na Mhinistear a' Chogaidh (7 an Lùnastal 1954 - 10 an Cèitean 1957) agus na Mhinistear nam Mèinnean agus a' Pheatrail. Bhathar airson cuidhteas fhaighinn air Rojas Pinilla agus thaghadh esan bho taobh a-staigh an Airm mar neach-ionlaid an deachdaire.
Bha e nos cionn Bòrd Riaghlaidh an Airm a thug thairis an Riaghaltas bho 10 an Cèitean 1957 gu ruige 7 an Lùnasdal 1958 còmhla ris an Àrd-sheanailear Deogracias Fonseca, an Ceannard-feadhna Rafael Navas Pardo, an Àrd-mharaiche Rubén Piedrahíta Arango agus an Ceannard-feadhna Luis Ernesto Ordóñez Castillo, nuair leig an Leas Seanailear Gustavo Rojas Pinilla a dhreuchd mar Cheann-suidhe na dùthcha. Leig París Gordillo a dhreuchd a dhèoin agus thug e an cumhachd dhan Cheann-suidhe Alberto Lleras Camargo air 7 an Lùnasdal 1958.[5]
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads