Aonghas Pàdraig Caimbeul

'S ann às an Leth Mheadhanach ann an Uibhist a Deas a tha Aonghas Pàdraig Caimbeul (no Aonghas Phàdraig, mar a chanas a choimhearsnachd fhèin sa cheann a deas). Chaidh e gu Sgoil Gheàrraidh na Mònadh agus an uair sin gu Àrd-sgoil an Òbain, far an do ghabh e ùidh ann an litreachas fo stiùir an neach-teagaisg Bheurla aige, Iain Mac a' Ghobhainn, nach maireann.

Aonghas Pàdraig Caimbeul
Beatha
Breith	An Leth Mheadhanach, dhen Ghiblean 1952
Dùthaich	Alba
Teaghlach
Clann	liosta Brìghde Chaimbeul (en)
Foghlam
Foghlam	Oilthigh Dhùn Èideann : poileataigeachd, eachdraidh
Cànain	Beurla Gàidhlig
Dreuchd
Dreuchd	bàrd, sgrìobhadair agus actair
Gnè ealain	bàrdachd
IMDb	nm2338032

Foghlam

Chaidh Aonghas Pàdraig an uairsin gu Oilthigh Dhùn Èideann, far an tug e a-mach Ceum le Urram ann am Poileataigs agus Eachdraidh. Fhad 's a bha e san Oilthigh fhuair e misneachd mhòr a thaobh a chuid sgrìobhaidh bho Shomhairle MacGill-Eain, a bha na Sgrìobhaiche aig an Oilthigh aig an àm.

As dèidh an Oilthigh, chaidh Aonghas Pàdraig a dh'obair na fhear-naidheachd do Phàipear Beag an Eilein Sgitheanaich, agus an uair sin chun a’ BhBC agus gu Telebhisean Ghrampian.

Litreachas

Tha e air grunn leabhraichean a thoirt a-mach. Ann an 2001 chaidh urram Crùn na Bàrdachd a thoirt dha leis a' Chomunn Ghàidhealach aig Mòd nan Eilean Siar, agus anns a bhliadhna sin cuideachd fhuair e an duais chliùiteach 'Creative Scotland Award' bho Chomhairle nan Ealain. Tha e air a bhith na Sgrìobhaiche aig Sabhal Mòr Ostaig agus tha dreuchd Caidreachais Iain Mhic a' Ghobhainn aig Roinn na Gàidhealtachd air a bhith aige cuideachd.

Aon uair, chluich e ball-coise ann an Cuach na h-Alba aig Pàirce Hampden an aghaidh Queen's Park. Tha e fhèin ’s a bhean Liondsaidh a' fuireach ann an Slèite san Eilean Sgitheanach. Tha sianar chloinne aca. ’S e na sgrìobhadairean as fheàrr leis Lev Tolstoj, George Eliot, Gabriel Garcia Marquez, agus ’s e Alex Cropley aig Hibs an cluicheadair ball-coise as fheàrr a chunnaic e a' cluich beò.

Leabhar-chlàr

• Tilleadh Dhachaigh, nobhail, Ùr-sgeul, 2009
• An Taigh-samhraidh, nobhail, Ùr-sgeul, 2007
• Meas air Chrannaibh, bàrdachd, Acair, 2007
• Invisible Islands, sgeulachdan goirid (Beurla), Otago Publishing, 2006
• Là a' Dèanamh Sgèil Do Là, nobhail, Ùr-sgeul, 2005
• An Oidhche Mus Do Sheòil Sinn, nobhail, Ùr-sgeul, 2003
• One Road, bàrdachd, 1998
• The Greatest Gift, bàrdachd, 1992
• Agus grunn leabhraichean-cloinne - còig nobhailean goirid airson nan sgoiltean nam measg

• Campbell, Angus Peter 'Alasdair's Joyous Display of Verbal Magic' ann an Camille Dressler & D. W. Stiùbhart (deas.) Alexander MacDonald: Bard of the Gaelic Enlightenment / Alasdair Mac Mhaighstir Alasdair: Bàrd an t-Soillearachaidh Ghàidhealach Kershader, Isle of Lewis: Islands Book Trust, 2012, dd.63-69.

Film agus telebhisean

• Seachd, 2007
• Grampian TV
• BBC ALBA
• Agus grunn phrògraman agus iomairtean eile

Pàipearan-naidheachd agus irisean

• Am Pàipear Beag, colbh Gàidhlig, 2005+
• An Gàidheal Ùr, colbh Gàidhlig, 2005- Màrt 2009
• An t-Albannach, 2001 agus 2003
• Gath 2005-2007
• Agus grunn phàipearan-naidheachd agus irisean eile

Ceanglaichean a-mach

• Làrach-lìn aig Aonghas Pàdraig Caimbeul
• Làrach-lìn aig Invisible Islands (Beurla)
• Internet Movie Database: Angus Peter Campbell (Beurla)