Còig Peathraichean Chinn Tàile
From Wikipedia, the free encyclopedia
From Wikipedia, the free encyclopedia
'S e aonach beinne ann an Cinn Tàile a th' ann an Còig Peathraichean Chinn Tàile, Beurla: Five Sisters of Kintail. Cha robh an t-ainm sin anns a' Ghàidhlig bho thùs[1] , ach sa Bheurla 's e cruth an droma mar a chìthear e bho Ratagan thairis air Loch Dubhthaich a thug an t-ainm dhan aonach, le còig beanntan ag èirigh gu soilleir bhuaithe. A rèir beul-aithris 's e còig bana-phrionnsaichean a bh' ann a dh'atharraich gu creag fhad 's a bha iad a' feitheamh air còig prionnsaichean Lochlannach a phòsadh iad, ach nach tàinig a-riamh.
Tha an druim a' sìneadh bho thaobh an ear gu taobh an iar air eadar Loch Cluanaidh agus Loch Dubhthaich, taobh tuath Ghleann Seile agus an rathad A87. San àrd an ear dheth tha Druim nam Bràithrean, a bheir an druim gu ceann aig Cluainidh.
Ged a tha barrachd na còig mullaichean air an druim seo, 's iad na mullaich Sgùrr nan Spàinteach, Sgùrr na Ciste Duibhe, Sgùrr Fhuaran, Sgùrr nan Saighead agus Sgùrr na Mòraich a chruthaicheas na còig peathraichean. Tha trì beanntan Rothaich air an druim: Sgùrr na Ciste Duibhe, Sgùrr Fhuaran agus Sgùrr na Càrnach.
Mar as trice thèid an t-aonach air fad a streap, a' tòiseachadh bhon raon-chàraichean aig Coimisean na Coilltearachd agus a' streap os cionn làrach Blàr Chinn Tàile. Faodar dol gu dìreach suas Sgùrr nan Spàinteach neo cumail air cliathaich na beinne agus a' ruigsinn an droma aig Sgùrr na Ciste Duibhe. Bithear an uair sin a' leantainn an droma dhan iar, agus a' cromadh bho Sgùrr na Mòraich gu dìreach air neo a' dol air ais gu Bealach agus sìos ri taobh Allt a' Chruinn air ais gu Loch Dubhthaich[2].
'S ann le Urras Nàiseanta na h-Alba a tha aonach nan Còig Peathraichean, mar phàirt de oighreachd Chinn Tàile, An Eas Glomaich agus Afraig an Iar.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
