物理學

物理學簡稱叫物理。歐洲「物理」箇隻詞最先出自希臘文嗰φυσικός，本意係指自然。古時間歐洲人叫物理學為「自然哲學」。漢語、日語中嗰「物理」源自明末清初嗰科學家方以智嗰百科全書式著作《物理小識》。在物理學嗰領域裏，研究嗰係宇宙嗰基本組成要素：物質、能量、空間、時間跟佢們嗰相互作用；通過拕分析嗰基本定律跟規則來完全瞭解箇隻系統。到今吖，物理學已經係自然科學嗰最基礎嗰學科之一。物理學理論經常用數學嗰形式表達。經過大量嚴格嗰實驗驗證嗰物理學規律拕叫做物理學定律。而且箇些定律不能拕證明，佢嗰正確性只能係經過反覆嗰實驗來檢驗。物理學還跟好多別嗰自然科學連得很緊，比如話化學、生物、天文跟地質等。尤其係化學。化學跟某些物理學領域嗰關係深遠，比如話量子力學、熱力學和電磁學。