From Wikipedia, the free encyclopedia
Türk dilleri — Günduusu Evropadan Sibir hem Kitayın günbatısına kadar uzanan bir territoriyada laf edilän diller. Bu dillerdä 180 million insan ana dili olarak, taa 20 million insan ikinci dil olarak laf ederlär. Birbirlerilän çok yakın hısım sayılan hem 40 farklı yazı dilinä bölünen bir dil gruppası. Türk dilleri Altay dilleri aylesinä girer Türk Halkları konuşur. En çok konuşulan Türk dili, Türkiye türkçäsi.
Türk dillerini übür dil aylelerinän farklı yapêr o maasusluk ani laf edennär uzun zaman yaşamaları devam etti göçebe olarak, dä bu üzden bu diller hep birbirlerinnän etkilendi. Türk dillerinin çok sayıda aynı maanada kullanılan ortak lafları bulunêr hem cümle strukturaları da hep benzeer. Onuştan var bir başka versiya (maasus Türkiyädä) angısı savunêr ani Türk dilleri diil bir dil aylesi, dä tek bir dilin dialektleri. Bu görüş pek beenilmeer übür Türk dili laf edän padişaalıklar içindä. Türk dialektleri, Şindiki Türk yazı dilleri yaki Türk dilin kolları olarak adlar peydalanêr hep o sebeptän.
Bu tablițada veriler bir örnek angısı gösterer Türk dillerinde cümle strukturası hep aynı kaldı:
Diller | Cümle strukturası |
---|---|
Gagauzça | Uşaklar şkolada dilimizi latin alfavitindä yazêr. |
Türkiye türkçäsi | Çocuklar okulda dilimizi latin alfabesi ile yazar. |
Azerbaycanca | Uşaqlar məktəbdə dilimizi latin əlifbası ilə yazır. |
Türkmencä | Çagalar mekdepde dilimizi latyn elipbiýi bile(n) ýazýar. |
Uzbekçä | Bolalar maktabda tilimizni latin alifbosi bilan / ila yozadi. |
Uygurca | Balilar mektepte tilimizni latin elipbesi bilen yazidu. |
Kazakça | Balalar mektepte tilimizdi latın älipbiyimen jazadı. |
Kırgızca | Baldar mektepte tilibizdi latin alfaviti menen cazat. |
Tatarca | Balalar mäktäptä telebezne latin älifbası belän yaza. |
Başkurtça | Balalar mäktäptä telebeźźe latin älifbahı menän yaźa. |
Türk dilleri aylesinä girer 40 farklı dil hem bu dillerdä laf eder 180 million insan ana dili olarak. Türk dilleri Altay dilleri aylesina en büük dil gruppası. Dünnädäki bütün dil ayleleri arasında edinci büük dil gruppası hem ilerdäki on yıllar içindä var nicä taa da büüsün. Oguz, Uygur, Kıpçak, Sibir, Ogur ve Argu grublarına ayrılır
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.