The Late Late Show (RTÉ)

Is seó cainte é The Late Late Show a chraoltar ar an gcainéal RTÉ a hAon gach Aoine ó Mheán Fómhair go dtí Bealtaine ag 21:30.^[1] "Is cuid de dhlúth agus d’inneach na tíre é an Late Late, meascán mearaí den trom agus éadrom."^[2]

Gay Byrne

The Late Late Show

Láithreoir(í)	Patrick Kielty, Gay Byrne, Frank Hall agus Ryan Tubridy
Tír	Éire
Bealach teilifíse	RTÉ a hAon
Líon séasúr	54
Tuilleadh eolais
Suíomh oifigiúil	rte.ie…

Baineann an t-alt seo leis an clár ar RTÉ; má tá suim agat sa gclár Meiriceánach, féach The Late Late Show (CBS).

Tá meas mór ar an Late Late in Éirinn sa lá atá inniu ann.  'Sé an seó comhrá is fadmharthanaí ar domhan inniu.

Pat Kenny

Stair

Ryan Tubridy

Craoladh an Late Late Show don chéad uair riamh ar 6 Iúil 1962, le Gay Byrne mar fhear an tí.^[3] Ag an am sin, bhí sé ar siúl gach Satharn. Clár conspóideach a bhí ann sna luath-laethanta agus Gay Byrne mar láithreoir.  D’éirigh le "GayBo" an tsuáilce agus an duáilce a chniotáil le chéile. Ba chlár é a gcaití féachaint air óir gur rímhinic a d’eascair allagar na seachtaine as. Ba mhinic breis agus milliún daoine ag féachaint ar gclár.

D’éirigh le láithreoir nua, Ryan Tubridy, in 2009 breis agus 1.6 milliún duine a mhealladh. Ach sa bhliain 2023, ní raibh uaireanta ach 400,000 duine ag féachaint ar an gclár agus d'éirigh sé as a phost.^[2]

Ceapadh Patrick Kielty mar láithreoir agus chuir sé tús le séasúr nua ar 15 Meán Fómhair 2023.^[4][5]

Conspóidí

• Ann Lovett, 1984: Cailleadh an ghirseach ar 31 Eanáir 1984. Ba ea Gay Byrne ar an The Late Late Show a d’aimsigh an nuacht ar dtús. "Nothing terribly exciting there", a dúirt sé, agus é ag athbhreithniú na nuachtán.^[6] Ach bhain bás an déagóra croitheadh as pobal na hÉireann na laethanta ina dhiaidh.

Láithreoirí

Láithreoir	Ó		Go
	Dáta	Aois	Dáta	Aois
Gay Byrne	6 Iúil 1962	27	30 Bealtaine 1964	29
Frank Hall	19 Meán Fómhair 1964	43	19 Nollaig 1964	43
Gay Byrne	2 Eanáir 1965	30	21 Bealtaine 1999	64
Pat Kenny	10 Meán Fómhair 1999	51	29 Bealtaine 2009	61
Ryan Tubridy	4 Meán Fómhair 2009	36	Bealtaine 2023	49
Patrick Kielty	15 Meán Fómhair 2023	52

Féach freisin

• The Late Late Toy Show

Naisc sheachtracha

• The Late Late Show ar shuíomh idirlín RTÉ

Tagairtí

1. RTÉ. "Late Late" (en). RTÉ Archives. Dáta rochtana: 2020-07-06.
2. Breandán M Mac Gearailt (Márta 24 2023). "Dúléim na guaise le tabhairt ag an Late Late Show" (ga-IE). Tuairisc.ie. Dáta rochtana: 2023-03-28.
3. "To whom it concerns: Remembering Gay Byrne" (as en) (2019-11-18).
4. Ar dhuine de na haíonna a bhí ar an gclár bhí iar-Uachtarán na hÉireann, Máire Mhic Ghiolla Íosa.
5. Nuacht RTÉ (2023-09-16). "Patrick Kielty i ndiaidh a chéad 'Late Late' a láithriú" (as ga).
6. Donal O'Keeffe (2016-04-07). "Our story is still in the making and Ireland needs to start trusting women" (en-GB). The Avondhu Newspaper. Dáta rochtana: 2023-12-04.