polaiteoir Briotanach (1844–1907) From Wikipedia, the free encyclopedia
Fear gnó agus polaiteoir Éireannach ab ea Sir Daniel Dixon, 1ú Bhairnéad (28 Márta 1844 – 10 Márta 1907).
Rugadh Dixon ar 28 Márta 1844, mac do Thomás agus Sarah Dixon ó Latharna, Contae Aontroma. Ceannaí agus úinéir loinge ab ea a athair.[1] Fuair sé a chuid oideachais ag an Royal Belfast Academical Institution.[1] Chuaigh sé isteach i ngnó adhmaid a athar, Thomas Dixon and Sons, agus é ina chomhpháirtí in 1864.
Sa bhliain 1892 ceapadh Dixon ina chéad Árd-Mhéara ar Bhéal Feirste, agus bhí an post sin aige ar feadh trí théarma; 1892 go 1893, 1901 go 1903, agus 1905 go 1906. Bhí sé ina fheisire parlaiminte freisin do Bhéal Feirste Thuaidh mar Aontachtóir Éireannach ó 1905 go 1907.
Ceapadh Dixon ar Ríchomhairle na hÉireann ar Liosta Gradam an Chorónaithe 1902 a foilsíodh ar 26 Meitheamh 1902, agus chuir Ard-Leifteanant na hÉireann, Iarla Cadogan é faoi mhionn, i gCaisleán Bhaile Átha Cliath ar an 11 Lúnasa 1902. I nDeireadh Fómhair 1903 rinneadh bairnéad de, de chuid Bhaile Meadhonach i gContae Aontroma.
Bhí Dixon i gceannas ar cheann de na comhlachtaí loingis is mó in Éirinn.[1]
Phós Dixon, ar an gcéad dul síos, Lizzie, iníon le James Agnew, sa bhliain 1867. Tar éis bás a chéad bhanchéile sa bhliain 1868 phós sé, ar an dara dul síos, Annie, iníon le James Shaw, in 1870. D’éag sé an 10ú Márta 1907 i mBéal Feirste, é 62 bliain d’aois, agus tháinig a mhac ba shine Thomas i gcomharbacht air sa bhairnéadacht. Fuair an Bhantiarna Dixon bás sa bhliain 1918.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
