Rory O'Neill
banríon draig agus gníomhaí Éireannach From Wikipedia, the free encyclopedia
Is banríon draig agus gníomhaí ar son cearta na ndaoine aerach é Rory O'Neill, (a rugadh i 1968), ar a dtugtar freisin mar ainm stáitse Panti nó Panti Bliss nó Pandora Panti Bliss.[1] Is as Baile an Róba, Contae Mhaigh Eo, Éire é.[2][3][4]
.jpg) (2015) | |
| Beathaisnéis | |
|---|---|
| Breith | 16 Samhain 1968 56 bliana d'aois Baile an Róba, Éire |
| Gníomhaíocht | |
| Gairm | banríon draig, gníomhaí ar son cearta daoine LADT |
| Suíomh gréasáin | pantibar.com |
| |
Laethanta a hÓige
Tógadh O'Neill, mac tréidlia, i mBaile an Róba, Contae Mhaigh Eo, agus d'fhreastail sé ar Choláiste Ealaíne i nDún Laoghaire.[5] Cé gur tógadh é mar Chaitliceach, is aindiachaí é O'Neill.[6] Labhair O ' Neill le hAoibhinn Ní Shúilleabháin faoina diagnóis VEID-deimhneach i 1995 ar shraith RTÉ Raidió 1 darb ainm Aoibhinn and Company.[7]
Gairm
Áirítear Panti mar an banríon draig is ceannasaí in Éirinn.[5][8] Ó 1996 go dtí 2012, bhí Panti ina óstach don glór-réime bhliantúil Alternative Miss Ireland.[9]
Bíonn Panti go rialta ina óstach don bhféile Dublin Pride, a bhíonn ar siúl i mí an Mheithimh gach bliain.[10]
Bhí Panti ina óstach ar feadh roinnt blianta ag seó kareoke seachtainiúil, The Casting Couch, ag The Front Lounge i mBaile Átha Cliath. Bíonn Panti faoi láthair ó am go ham ag seó biongó seachtainiúil Shirley Temple Bar sa bhéar aerach, The George.
.jpg)
Ar an 30 Samhain 2007, D'oscail sé an beár féin-ainmnithe 'Pantibar' i mBaile Átha Cliath.[4]
Is leasainm é 'Panti' do 'Pandora Panti Aoibhneas'.[5] Bhí Panti ag rince ar stáitse san tSeapáin le Cyndi Lauper le linn a turas Twelve Deadly Cyns.[5] Is é O'Neill agus a alter ego Panti mar ábhar cláir faisnéise faoi shaol a hóige, eachtraí atá ceangailte le tuairimí a roinn O'Neill maidir le homafóibe, agus an ról a bhí ag Panti le linn feachtas rathúil na hÉireann ar son comhionannas pósta. Scannánaíodh é ar feadh roinnt blianta agus ba é Conor Horgan an stiúrthóir.[11] Taispeánadh é den chéad uair ar 21 Deireadh Fómhair 2015, agus scaoileadh é ar fud na hÉireann ar 23 Deireadh Fómhair 2015[12]
Tuairimí faoi homafóibe ar RTÉ (a.k.a. "Pantigate")
Ar 11 Eanáir 2014, ba aoi é O'Neill ar sheó RTÉ The Saturday Night Show le Brendan O'Connor, áit inar phléigh siad homafóibe agus líomhain O'Neill go raibh roinnt daoine a bhí páirteach in iriseoireacht na hÉireann ag an am homafóbach. Cuirtear "Pantigate" ar an ócáid seo.[13][14]
Bhagair iad siúd a bhí luaite RTÉ agus O'Neill le caingean dlí.[8] Bhain RTÉ an chuid sin den agallaimh as a gcartlann ina dhiaidh sin.[15] Ar 25 Eanáir le linn eipeasóid the Saturday Night Show, thug O'Connor leithscéal poiblí ar son RTÉ dóibh siúd a bhí luaite ag O'Neill san agallamh roimhe sin.[16] Thug RTÉ €85,000 dóibh siúd a bhí ainmnithe ag O'Neill.[17]
Bhí na eisíocaíochtaí sin á phlé ag comhaltaí an Oireachtais.[18][19] Pléadh an eachtra sin i bParlaimint na Heorpa chomh maith,[20] agus dúirt an FEP Éireannach, Paul Murphy, go raibh an eisíocaíochtaí "a real attack on the freedom of speech" agus “when John Waters says that gay marriage is ‘a kind of satire’, that is homophobia. When Breda O’Brien says ‘equality must take second place to the common good’, that is homophobia. When the Iona Institute campaign against gay marriage because it is gay marriage, that is homophobia."[2][21][22][23] Rinne ceann teilifíse RTÉ cosain ar na íocaíochta €85,000, ag rá gur shábháil RTÉ "an absolute multiple" san fhadtéarma.[24]
Ar 1 Feabhra 2014, thug O'Neill (mar Panti) óráid Noble Call ag Amharclann na Mainistreach mar fhreagra na himeachtaí a bhaineann leis an gconspóid le RTÉ,[25][26] agus fuair an físeán níos mó ná 200,000 amhairc i ndiaidh dhá lá.[27] Ag deireadh mí na Bealtaine 2017 bhí níos mó ná 880,000 amhairc faighte ag an bhfíseán.[28] Rinne Fintan O'Toole cur síos air mar an óráid Éireannaigh is dea-chumtha i mbeagnach 200 bliain[29] agus fuair sé tacaíocht ó Dan Savage[29][30] RuPaul[31], Graham Norton, Stephen Fry, Madonna, agus daoine eile.[32] Díoladh t-léinte leis an mana "I'm on Team Panti" chun airgead a thiomsú ar son seirbhísí óige BeLonG To,[33] agus bhailigh siad níos mó ná €10,000.[31] I Márta 2014, Scaoil an banna popcheoil Pet Shop Boys an óráid lena gcuid ceoil mar fuaimrian taca, mar "Oppressive (The Best Gay Possible)." I ndiaidh sin, scaoil siad leagan níos moille an riain, le físeán tionlacain ina raibh "montage of homophobia-related clips."[34]
Amharclannaíocht
- 2005 Spurt! Sister! Spurt! mar Madame
- 2007 In These Shoes?, Sríofa ag agus léirithe ag Panti, ag Dublin Gay Theatre Festival[35]
- 2007 All Dolled Up, Sríofa ag agus léirithe ag Panti[36]
- 2009 A Woman In Progress, Sríofa ag agus léirithe ag Panti[37]
- 2014 High Heels in Low Places, Sríofa ag agus léirithe ag Panti[38]
- 2022 If These Wigs Could Talk, Sríofa ag agus léirithe ag Panti[39][40]
Meáin
Film
- 2015 The Queen of Ireland
Teilifís
- 1990 Nighthawks mar "Seán The Transvestite Farmer"
- 1998 The Maury Povich Show, mar Panti (eipeasóid amháin: "Turn My Daughter Back Into My Son")
- 2008 The Clinic mar Dusty Mulberry (eipeasóid amháin)
- 2008 Raw mar Panti (eipeasóid amháin)
- 2014 The Mario Rosenstock Christmas Special mar Panti
- 2014 The Saturday Night Show
- 2023 Dancing with the Stars (sraith theilifíse na hÉireann)[41]
Raidió
- 2011 Ireland's Karaoke Klassics, 2FM, Comhláithreoir mar Panti le Arveene
- 2014 Sunday Breakfast With Dee Reddy, Phantom FM mar aoi rannpháirtí
- 2016 Pantisocracy agallamh ceithre cuid RTÉ Radio 1 le Panti mar óstach
Ceol
- 2014 "Oppression" ag Out!rage le Panti Bliss scaoileadh ar son BeLonG To
- 2014 Déanann "The Best Gay Possible - Oppressive Dance Mix" ag Pet Shop Boys aonchorp le hóráid Panti in Amharclann na Mainistreach
Leabhair
- Woman in the Making: A memoir, Rory O'Neill, 2014, Hachette Books Ireland.
Gradaim
- Buaiteoir 'Business Person of the Year' – Gay and Lesbian Awards 2009
- Buaiteoir 'Best Blog Post' – Irish Blog Awards 2010
- Gradam Speisialta an Eagarthóra Attitude -Attitude Magazine Awards 2014
- Gradaim Cion Socaíocht na hÉireann - People of the Year Awards 2014
- Gradaim James Joyce a bhronnadh ag Cumann Liteartha agus Staire an Choláiste Ollscoile, Baile Átha Cliath
- Coláiste na Tríonóide, Baile Átha Cliath, Céim Oinigh - bronnadh céim oinigh ar O'Neill ó gColáiste na Tríonóide Baile Átha Cliath le haghaidh an obair a rinne sé ar son cearta LADT agus comhionannas pósta
Tagairtí
Wikiwand - on
Seamless Wikipedia browsing. On steroids.