Cumann bráithriúil do Phrotastúnaigh is ea Printísigh Dhoire (Béarla: Apprentice Boys of Derry). Bunaíodh an t-eagras sa bhliain 1814'; tá a cheanncheathrú suite i nDoire, Tuaisceart Éireann. Is é is príomhchuspóir do na Printísigh ná léigear Dhoire sa bhliain 1688 a cheiliúradh agus a chuimhne a urramú. B'ansin a d'ionsaigh Séamus a' Chaca (an rí Sasanach Caitliceach) Doire, a bhí ina cathair an-Phrotastúnach san am, agus mar sin, tá an-tábhacht leis an léigear seo i siombalachas an Aontachtachais thuaidh. Bíonn na Printísigh ag máirseáil sna sráideanna faoina gcuid bratach i ndilchuimhne ar na himeachtaí staire sin, agus ba mhinic a tharraing siad círéibeacha, agus an chuma dhúshlánach a bhí ar a gcuid mórshiúlta i súile na gCaitliceach. Le déanaí, táthar ag iarraidh cosúlacht agus cur chuige níos síochánta a chleachtadh, le maolú ar an teannas idirphobail.
| Ainmnithe in ómós | Léigear Dhoire  |
|---|---|
| Sonraí | |
| Cineál | eagraíocht |
| Idé-eolaíocht pholaitíochta | Dílseachas |
| Reiligiún | an Protastúnachas |
| Stair | |
| Dáta a bunaíodh | 1814 |
| Rialachas corparáideach | |
| Ceanncheathrú | |
| Suíomh gréasáin | http://apprenticeboysofderry.org/ |
Bhí nasc idir na Printísigh agus Páirtí Aontachtach Uladh ón mbliain 1911 go dtí na 1970í.
Sa bhliain 1969, nuair a rinne Constáblacht Ríoga Uladh (RUC) iarracht paráid de chuid na bPrintíseach a chur trí Thaobh an Phortaigh (nó Taobh an Bhogaigh) le treise lámh, thosaigh Cath Thaobh an Phortaigh (nó Cath Thaobh an Bhogaigh). Measainn a lán daoine gurbh é seo a chuir tús leis Trioblóidí dháiríre.
Sa bhliain 1986, chuir rialtas na Breataine cosc ar pharáid i bPort an Dúnáin. D'éirigh círéibeacha idir lucht tacaíochta na paráide agus an Chonstáblacht. Sa teagmháil seo, fuair Keith White bás, agus é ar an chéad Phrotastúnach riamh a cailleadh le piléar plaisteach le linn na dTrioblóidí.
Tá dhá ócáid cheiliúrtha ag na Printísigh i rith na bliana, mar atá, Dúnadh na nGeataí agus An Teacht chun Fortachta.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
