Oifig na nOibreacha Poiblí

Tá Oifig na nOibreacha Poiblí^[1] ar cheann de na comhlachais stáit is sine in Éirinn. Bunaíodh í i Lúnasa 1831^[2], chun maoirseacht náisiúnta a dhéanamh ar oibreacha poiblí, idir shibhialta agus mhíleata, amhail tógáil bóithre agus iarnróid, chomh maith le feabhsú uiscebhealaí. Chuir an Oifig cuid mhaith de na hoibreacha ar siúl le linn an Ghorta Mhóir, chun faoiseamh a chur ar fáil don chosmhuintir.

Oifig na nOibreacha Poiblí

Sonraí
Cineál	gníomhaireacht rialtais
Stair
Dáta a bunaíodh	1831
Rialachas corparáideach
Fochomhlacht	Oifig an tSoláthair
Suíomh gréasáin	opw.ie
Suíomh geografach

Ó shin i leith, is é an dualgas is mó atá ar an oifig ná chun aire a thabhairt agus athchóiriú agus cosaint a dhéanamh ar oidhreacht thógtha agus nádúrtha na hÉireann agus ar shéadchomharthaí na hÉireann. Le linn na 1960idí, bhí an Oifig i mbun athchóiriú a dhéanamh ar Chaisleán Chill Chainnigh agus forbairt Pháirc Náisiúnta Chill Airne. Ó shin i leith, tá athchóiriú déanta aici ar leithéidí Chaisleán Bhaile Átha Cliath agus ar Thithe an Rialtais ag Sráid Mhuirfean.