Meta Platforms

Is ollchomhlacht teicneolaíochta é Meta nó Meta Platforms, Inc, Is le Meta na hardáin dhigiteacha Facebook, Instagram agus WhatsApp a bhfuil tóir ábhalmhór orthu ar fud an domhain. Is é an meán sóisialta Facebook a phríomhghnó.

Meta Platforms

(en) Meta Platforms, Inc.
Ainmnithe in ómós	meiteachruinne agus Facebook
Sonraí
Cineál	cuideachta phoiblí soláthraí seirbhíse ar líne comhlacht teicneolaíochta gnó
Foirm dlí	Delaware corporation (en)
Stair
Dáta a bunaíodh	29 Iúil 2004, Cambridge
Bunaitheoir(í)	Mark Zuckerberg, Eduardo Saverin, Dustin Moskovitz, Chris Hughes agus Andrew McCollum
Ócáid shuntasach
2018	Facebook 2018 data breach (en)
2019	Facebook 2019 data breach (en)
1 Lúnasa 2019	Facebook 2019 data breach (en)
Gníomhaíocht
Táirge	bogearra, Messenger (en) , Facebook, Instagram, WhatsApp, Meta pixel (en) agus Facebook Custom Audience (en)
Ball de	DataCite (en) Computer & Communications Industry Association (en) OpenStreetMap U.S. (en) (2024–)
Úsáideann sé/sí	cuntas browsing history (en) app usage measurements (en) profiling information (en) notification system (en) app usage measurements (en) browsing history (en) market segment (en)  (registered user (en) ), uimhir theileafóin Advertising ID (en) geopositioning (en)
Stocmhalartán	(NASDAQ META)
Earra a úsáidtear :   Facebook (2004)
Rialachas corparáideach
Ceanncheathrú	«1 Hacker Way» 1 Hacker Way, Menlo Park, CA 94025 Menlo Park, California
Príomhoifigeach feidhmiúcháin	Mark Zuckerberg (2004–)
Stiúrthóir/bainisteoir	Mark Zuckerberg
Líon fostaithe	58,604 (2020)
Úinéir	Mark Zuckerberg (52.9%). Eduardo Saverin (6.9%). Dustin Moskovitz (3.8%). BlackRock (2.3%).
Fochomhlacht	Facebook International Operations Limited (en) Cassin Networks ApS (en) Oversight Board (en) Instagram Facebook AI Research (en) Facebook Overseas, Inc (en) Beat Games (en) Novi Financial (en) Facebook Israel (en) Facebook (Israel) (en) (2004–) Facebook Ireland Limited (en) (2004–) Reality Labs (en) (2004–) WhatsApp LLC (en) (2014–) PlayGiga (en) (2019–) Mapillary AB (en) (2020–)
Cuid de	Ollchomhlachtaí an Ghréasáin S&P 500 S&P 100 Facebook, Apple, Amazon, Netflix agus Google
Iar-ainm	TheFacebook, Inc. (2004–2005) Facebook, Inc. (2005–2021) Meta Platforms, Inc. (2021–)
Táscaire eacnamaíoch
Cothromas iomlána	128,290 M$ (2020)
Ioncam iomlán	134,902 M$ (2023)
Glanbhrabús	39,098 M$ (2023)
Sócmhainní iomlána	159,316 M$ (2020)
Eile
Gradam a fuarthas (2011)  Big Brother Awards (en)
Suíomh gréasáin	https://www.meta.com/
WD Bosca Sonraí Foirgneamh 1 Hacker Way (en) Ainmnithe in ómós Meta Platforms, Mark Zuckerberg, San Quentin State Prison (en) , Hacker Way (en) agus Sun Microsystems Sonraí Cineál Campas Ailtire Frank Gehry Tréith Achar dromchla 57 acre Suíomh geografach Suíomh 1 Hacker Way, Menlo Park, CA 94025  37° 29′ 06″ N, 122° 08′ 53″ O Codanna Hacker Way (en)

Tá na billiúin dollar caite ag Meta ar thogra ollmhór dá gairtear an meiteachruinne nó 'metaverse'.^[1]

Meta i mBÁC

Gnó

Bhí 87,000 duine fostaithe ag Meta ar fud an domhain sa bhliain 2022.^[2] I mí na Samhna 2022, d'fhógair Meta go raibh siad le 13% den 87,000 duine atá fostaithe acu a ligean chun siúil. Sin 11,000 fostaí san iomlán i dtíortha éagsúla.^[3]

Bhain an scéal b'fhéidir leis an rófhás a tháinig sna 2010idí ar an earnáil teicneolaíochta idirnáisiúnta. Ach i mí na Márta 2023, dúirt Meta go raibh sé le 10,000 fostaí eile in ionaid éagsúla ar fud an domhain a ligean chun siúil, agus bhí na scairshealbhóirí sásta leis an fógra sin ag an am.^[1][4]

Comhlíonadh

Cúlra

Sa bhliain 2013, scaoileadh an rún faoin easpa cosanta sonraí nuair a léirigh Edward Snowden - a bhí fostaithe ag an am leis an National Security Agency i Meiriceá – go raibh údaráis na Stát Aontaithe i mbun spiaireachta ar dhaoine ar na meáin shóisialta, a bhuíochas don aistriú sonraí ón AE go SÁM.^[5]

Tamall níos déanaí sa bhliain 2013, thug Max Schrems – Ostarach a bhí i mbun feachtais faoi phríobháideachas saoránach – dúshlán cúirte do Facebook ar an mbonn go raibh ag cliseadh orthu a chuid cearta príobháideachais a chosaint.^[6]

Tar éis blianta fada cur agus cúiteamh sna cúirteanna, chuir an Chúirt Bhreithiúnas Eorpach ar neamhnaí an "Sciath Phríobháideachais" – an socrú sa dlí faoi aistriú sonraí a bhíodh i bhfeidhm idir an tAE agus SÁM.

Sna 2020idí, bhí conradh nua faoi aistriú sonraí aontaithe idir an dá bhloc á phlé.^[5]

Fíneáil Meta 2023

Sa bhliain 2023, bhí €1.2 billiún d'fhíneáil gearrtha ag an gCoimisiún um Chosaint Sonraí in Éirinn ar Meta faoin dlí a shárú agus Meta ag aistriú sonraí pearsanta ón Aontas Eorpach go dtí Stáit Aontaithe Mheiriceá.^[5] Bhí Meta ag lorg achomharc ar an gcinneadh agus níor íoc siad pingin ar bith go fóill.^[7]

Mar chuid de bhreithiúnas an Choimisiúin, bhí ordú faighte ag Meta aistriú sonraí ón AE go SÁM a chur ar fionraí, ach bhí 5 mhí acu géilleadh don ordú sin. Bhí 6 mhí faighte ag Meta chun deireadh a chur leis an gcleachtas ag an gcuideachta sonraí pearsanta lucht úsáidte san Eoraip a phróiseáil agus a stóráil go mídhleathach i Meiriceá ar an mbonn gur sárú é ar an Rialachán Ginearálta maidir le Cosaint Sonraí (GDPR).

Rinne an Coimisiún um Chosaint Sonraí fiosrúcháin faoi na huirlisí dlí a bhíonn á n-úsáid ag Meta le sonraí lucht úsáidte Facebook a aistriú go Meiriceá. "Gnáthchlásail conartha" a thugtar ar na huirlisí sin. Ach rialaigh an Coimisiún nach leor iad le seasamh in aghaidh na rioscaí atá ann do chearta bunúsacha agus saoirse bhunúsach daoine agus a gcuid sonraí.

Rialaigh an Coimisiún in Éirinn ar dtús báire nach mbeadh fíneáil i gceist. Ach d’easaontaigh rialaitheoirí eile ar an MórRoinn leis sin agus i ndeireadh na dála rialaigh an Bord Eorpach um Chosaint Sonraí go ngearrfaí fíneáil ar Meta.^[5]

Fíneáil Meta 2024

Gearradh fíneáil €91m ar Meta in 2024 i ndiaidh don Choimisiún fiosrúchán a dhéanamh ar an gcaoi a raibh roinnt pasfhocal stóráilte ag Meta i ngnáth-théacs gan chriptiú ar chórais inmheánacha an chomhlachta. B'iad Meta iad féin a chuir an Coimisiún ar an eolas go raibh na pasfhocail stóráilte gan chosaint acu agus rinneadh an sárú de thaisme, a dúirt siad.

Rialaigh an Coimisiún go raibh ceithre shárú déanta ag Meta ar an Rialachán Ginearálta maidir le Cosaint Sonraí (GDPR). Bhain siad le teip an chomhlachta úsáideoirí a chur ar an eolas go raibh sárú déanta ar a sonraí pearsanta agus le teip an chomhlachta beartais teicniúla ná eagraíochtúla a úsáid chun sonraí na n-úsáideoirí a chosaint sa chéad dul síos.^[8]

Meta in Éirinn

Is i mBaile Átha Cliath atá ceanncheathrú Eorpach Meta. Bhí 3,000 díobh sin ag obair go díreach don chomhlacht in Éirinn ag tús 2022, agus bhí breis is 6,000 duine eile a oibríonn le comhlachtaí eile a chuireann seirbhísí tacaíochta ar fáil dó.^[2][9] I dtús na bliana 2023, ní raibh ann ach 2,600 i mBÁC agus d'fhógair Meta go raibh an comhlacht le thart ar 490 fostaí eile in Éirinn a ligean chun siúil.^[10]

Féach freisin

• Facebook, Instagram, WhatsApp
• Scannal Frances Haugen
• An Rialachán Ginearálta maidir le Cosaint Sonraí

Tagairtí

1. Nuacht TTÉ (2023-03-14). "Meta le 10,000 fostaí eile a ligean chun siúil" (as ga-IE).
2. Nuacht RTÉ (2022-11-07). "Postanna á gcailleadh i Meta" (as ga).
3. Nuacht RTÉ (2022-11-09). "Meta le 390 fostaí in Éirinn a ligean chun siúil" (as ga-IE).
4. Katie Paul, Nivedita Balu (2023-03-14). "Meta to cut 10,000 jobs in second round of layoffs" (en). Reuters. Dáta rochtana: 2023-03-15.
5. Nuacht RTÉ (2023-05-22). "€1.2 billiún pionóis ar Meta faoi aistriú sonraí pearsanta" (as ga).
6. "High Court: Max Schrems entitled to 80 percent of his legal costs against DPC in compromised proceedings" (en). Irish Legal News (2022-09-30). Dáta rochtana: 2023-05-22.
7. Bhain an breithiúnas le Facebook ach ní bhain sé le h-ardáin eile de chuid Meta fearacht Instagram agus WhatsApp.
8. Nuacht RTÉ (2024-09-27). "Fíneáil €91m gearrtha ag an gCoimisiún um Chosaint Sonraí ar Meta" (as ga-IE).
9. RTÉ (Samhain 2022). "Andy Caomhánach, Feidhmeannach Ríomhaireachta, Acadamh na hOllscolaíochta." (ga-IE). RTE Radio. Dáta rochtana: 2022-11-29.
10. Nuacht RTÉ (2023-05-24). "Meta le thart ar 490 fostaí in Éirinn a ligean chun siúil" (as ga).