Leitir Mealláin

Oileán beag is ea Leitir Mealláin^[1] ar chósta thiar na hÉireann i gConamara, Contae na Gaillimhe. Tá an t-oileán suite sa Ghaeltacht timpeall 36 míle ó chathair na Gaillimhe i Loch Lurgan agus thart ar 14 míle ón gCeathrú Rua. Ceann de thrí oileán is ea Leitir Mealláin i nGarmna, agus tá na hoileáin eile, Tír an Fhia agus Leitir Móir, suite ar an taobh thoir de.

Leitir Mealláin

Cineál	Oileán agus An Ghaeltacht
Logainm.ie	1413598
Suíomh
Limistéar riaracháin	Contae na Gaillimhe, Éire
53° 14′ 38″ N, 9° 43′ 34″ O
Tréithe
Airde os cionn na farraige	1 m

Ciallaíonn Leitir 'taobh cnoic'. Bhí Leitir Mealláin i seilbh Loingsigh Bhearna tráth. Ghlac na Comerford seilbh ar an áit thart ar an mbliain 1840. Bhí thart ar 1700 acra agus 77 teach ar an oileán ag an am.

Tá Leitir Mealláin suite i gcróilár Ghaeltacht Chonamar agus tá an Ghaeilge fós mar theanga an phobail ann. I ndaonáireamh 2016 dúirt 93.8% de mhuintir an oileáin go raibh Gaeilge acu agus dúirt 85.3% den ndaonra go labhraíonn siad Gaeilge chuile lá.

Cuairt

Ní hé an cuairteoir thar droichead anoir amháin a bhainfidh sásamh agus stair as an ionad oidhreachta seo. Níor mhór cúpla uair a chaitheamh istigh sa tseodlann Ionad Oidhreachta. Ansin buail isteach go dtí Ionad na Feamainne agus sín siar ó chluais go drioball sa tobán feamainne.^[2]

Féach freisin

• Arracht (scannán)

Tagairtí

1. “Leitir Mealláin/Lettermullan Island | logainm.ie” (ga). Bunachar Logainmneacha na hÉireann (Logainm.ie). An Coimisiún Logainmneacha. Dáta rochtana: 2023-06-22.
2. Máire Ní Fhinneadha (14 Bealtaine 2024). "Is mór is fiú d’aon duine lá a chaitheamh i Leitir Mealláin agus seoda na háite a fheiceáil" (ga-IE). Tuairisc.ie. Dáta rochtana: 2024-05-18.