Jay Simpson Homer

Is é Homer Jay Simpson ceann de na príomhcharachtair sa tsraith theilifíse bheoite cáiliúil The Simpsons. Tá sé guthaithe ag Dan Castellaneta. Baineann sé le saol teaghlaigh Mheiriceánaigh a bhfuil cónaí orthu i Springfield, baile sna Stáit Aontaithe.

Jay Simpson Homer

Cineál	duine ficseanúil animated television character (en) animated film character (en)
Eapainm	Homer Groening
Cruthaithe ag	Matt Groening
Léirithe ag	Dan Castellaneta, Tonino Accolla, Massimo Lopez, Humberto Vélez, Philippe Peythieu, Norbert Gastell (en) , Tōru Ōhira agus Hubert Gagnon
Comhthéacs
I saothar	The Simpsons
Cruinne	Cruinne The Simpsons
Dáta
Inscne	fireann
Slí bheatha	health and safety inspector (en) , tiománaí, spásaire, rúnaí, garda cosanta, léirmheastóir bia, misinéir, leasuachtarán, aisteoir gutha, labor leader (en) , áilteoir, dealer (en) , forairdeallaí, smuglálaí rum, tiománaí traein, dornálaí, feirmeoir, amhránaí, bainisteoir, sonóg, maor, adult educator (en) , ealaíntóir choincheapúil, ice cream vendor (en) , traveling salesperson (en) , paparazzi (en) , ionadaí díolachán, volunteer firefighter (en) , amhránaí ceoldrámaíochta, tiománaí, sealgaire deolchairí agus aisteoir scannáin
Meáchan	240 lb
Riocht leighis	alóipéice, ionfharchtadh miócairdiach, alcólachas, gortú trámach inchinne, deilgneach agus Jerusalem syndrome (en)
Náisiúntacht	Stáit Aontaithe Mheiriceá
Cónaithe	Springfield
Breith	Springfield , 12 Bealtaine 1956
Muintir
Muintir	Simpson family (en)
Céile	Marge Simpson
Máthair	Mona Simpson
Athair	Abe Simpson
Leanaí	Bart Simpson, Lisa Simpson, Maggie Simpson agus Hugo Simpson
Siblíní	Herbert Powell agus Abbie Simpson
Daoine muinteartha	Patty Bouvier, Selma Bouvier, Clancy Bouvier (en) agus Jaqueline Bouvier
Eile
Céim mhíleata	captaen
Ball de	Cúltaca Chabhlach na Stát Aontaithe agus Arm na Stát Aontaithe
Cuid de	Homer and Marge Simpson (en)
Comhionann	kwyjibo (en)

Rugadh agus tógadh Homer i mbaile Springfield, áit a bhfuil cónaí air fós in éineacht lena bhean Marge agus a dtriúr páistí, Bart, Lisa agus Maggie. Is mac le hAbe agus Mona Simpson é Homer. Tá leasdeartháir aige darb ainm Herb agus leasdeirfiúr chomh maith, an toradh ar chaidreamh idir a athair is bean Sasanach a casadh ar Abe agus é ar stáisiún i Sasana le linn an Dara Cogadh Domhanda. Níl sé soiléir cén aois é Homer, ach de réir cosúlachta, rugadh sa mbliain 1956 é.

Oibríonn sé mar chigire sábháilteachta i gCumhachtstáisiún Núicléach Springfield. Ach caitheann sé an chuid is mó dá chuid ama ina chodladh nó ag ithe taoschnónna. Taobh amuigh den obair caitheann sé go leor ama i dteach tábhairne Moe. San áit sin, is maith le Homer cúpla pionta Duff a chaitheamh siar in éineacht lena chairde, Barney Gumble, Lenny agus Carl.

Tá cuma áirithe ar na carachtair – tá craiceann buí orthu agus súile móra acu agus ceithre mhéar ar a lámha. Tá go leor tréithe diúltacha ag baint le Homer chomh maith. Léirítear é mar fhear gáirsiúil, gan mórán oideachais, a itheann agus a ólann an iomarca. Tá sé maol, ramhar, amaideach, leisciúil agus mí-fhoighdeach. Tá achar airde an-ghearr aige chomh maith a chomhlánaíonn an paisean a bhíonn aige do caitheamh aimsire éagsúla. Ach, amanna, éiríonn le Homer an taobh is fearr dá phearsantacht a thaispeáint – is féidir leis a bheith solúbtha, cumasach agus díograiseach.

Is fear céile agus athair carthanach é Homer agus sna blianta ó taispeánadh The Simpsons ar dtús tá pearsantacht Homer tar éis fás agus is carachtair cáiliúil é anois agus réalta den chultúr Meiriceánach.