From Wikipedia, the free encyclopedia
Is club Cumann Lúthchleas Gael i gContae Luimnigh é CLG Áth an Mhuilinn.
|
|||||
| Gníomhaíocht | |||||
|---|---|---|---|---|---|
| Spórt | iomáint  | ||||
 | Ní mór an t-alt seo a ghlanadh, ionas go mbeidh caighdeán níos fearr ann.
Tar éis duit an t-alt a ghlanadh, is féidir leat an teachtaireacht seo a bhaint de. Féach ar Conas Leathanach a Chur in Eagar agus an Lámhleabhar Stíle le fáil amach faoin dóigh cheart le feabhas a chur ar alt ciclipéide. |
| Bunaithe: | 1999 | ||||||||||||||
| Contae: | Luimneach | ||||||||||||||
| Roinn: | Cathrach | ||||||||||||||
| Peil: | Sóisear A | ||||||||||||||
| Iomáint: | Sóisear B | ||||||||||||||
| Dathanna: | Gorm is dubhghorm | ||||||||||||||
| Páirc: | Faiche na Rós, Caladh Uí Threoigh, Luimneach | ||||||||||||||
| |||||||||||||||
Tá an club bunaithe i bparóiste Mhuire Cúnamh na gCríostaithe timpeall Ollscoil Luimnigh i mbruachbhailte Caladh Uí Threoigh agus Áth na Coite ar thaobh thoir Cathair Luimnigh idir abhainn na Grúdan, na Sionainne agus na Maoilchéirne agus Bóthar Bhaile Átha Cliath. Toisc ná fuil ach daonra beag áitiúil sa pharóiste anois, tagann an-chuid dá imreoirí as contaetha eile.
Bhí traidisiun na hiomána níos láidre sa cheantar ó bhunú CLG suas go dtí blianta na 1970í nuair a leathnaigh bruachbhailte na cathrach amach chuig Calaidh Uí Threoigh. Imrítear peil agus iomáint ach tá an pheil níos láidre sa chlub.
Tá tagairtí ann faoi chluiche iomána a imríodh sa pharóiste i bpáirc in aice Crosbhóthar Chill Mhuire (san áit a bhfuil an Kilmurry Lodge Hotel suite anois) sa bhliain 1887 idir Máigh Rua agus Béal Átha Shiomóin. Bhí club ar leith darbh ainm Cill Mhuire sa cheantar le linn blianta tosaigh CLG agus bhí club eile as Áth na Coite ag imirt faoin ainm Craobh Emmet san am chéanna. Tá tuairiscí ann i nuachtáin an tráth sin faoi na sluaite móra a tháinig chun féachaint ar chomórtaisí peile agus iomána a d'eagar Cill Mhuire le linn blianta na 1890í.
Maraon lena lán clubanna eile sa chontae, thit an dá chlub as a chéile le linn an an Chéad Chogaidh Dhomhanda agus blianta na dTrioblóidí. Is é cluiche iomána a imríodh sa bhliain 1909 an tagairt deireanach a bhfuil ann anois do Chill Mhuire agus níl aon tuairisc faoi Chroabh Emmet níos déanaí ná comórtas iomána sóisear inar ghlacadar páirt i Mí Meán Fómhair na bliana 1919.
Le linn an tréimhse ò bhlianta na 1920í suas go dtí an bhliain 1957 nuair athbhunaíodh Móin a' Lín, d'imir iománaithe agus peileadóirí na háite le Átháin nó le Naomh Pádraig
Ós rud é nár scoilt paróiste Mhuire Cúnamh na gCríostaithe ó pharóiste Mhóin a' Lín go dtí an bhliain 1980, is é Áth an Mhuilinn an club is óige sa chontae faoi láthair. Cuireadh tús le foirne na n-óg sa bhliain 1999 agus le foirne sinsear sa pheil sa bhliain 2002 agus san iomáint sa bhliain 2004. Sular bhunaíodh an club, d'imir formhór iománaithe agus peileadóirí an pharóiste le Móin a' Lín.
Shroich Áth an Mhuilinn cluiche leathcheannais Peile Sóisear B Chontae Luimnigh i ndiaidh dóibh buachaint ar Phailís Chaonraoí i gcluiche ceannais na cathrach sa bhliain 2005 agus chailleadar cluiche ceannais Peile Sóisear A na Cathrach i gcoinne Na Piarsaigh sa bhliain dár gcionn.
D'imir an club ar dtús in Ollscoil Luimnigh ach tá a bpáirc féin, Faiche na Rós, ar chíos acu ar bhruach na Sionainne i bPáirc Teicneolaíochta Plassey ón mbliain 2003. Ceaptar gur imríodh na céad cluichí Gaelacha sa cheantar ar an suíomh céanna ag deireadh an 19ú haois.
Imríonn Gearóid Óg Ó Coileáin (Ger Collins), ball d'fhoireann peile sinsir Luimnigh faoi láthair, le Áth an Mhuilinn agus ghlac iar-pheileadóirí an chontae le linn blianta na 1980í, Gearóid Ó Coileáin (Gerry Collins) agus Seosamh Ó Roideacháin (Joe Redington) páirt i mbunú an chlub.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
