An Páirtí Daonlathach (Éire)

Páirtí polaitíochta i bPoblacht na hÉireann é An Páirtí Daonlathach (Progressive Democrats i mBéarla). Glacadh le rún ag comhdháil speisialta ar 8 Samhain, 2008, chun an páirtí a scor, mar gheall ar vóta íseal an pháirtí in Olltoghchán 2007.

An Páirtí Daonlathach

Sonraí
Ainm gearr	PD
Cineál	páirtí polaitíochta iarpháirtí liobrálach
Idé-eolaíocht pholaitíochta	liobrálachas
Ailíniú polaitíochta	ar dheis ón lár
Stair
Dáta a bunaíodh	21 Nollaig 1985
Bunaitheoir(í)	Deasún Ó Máille
Dáta díscaoilte, díothaithe nó scartáilte	20 Samhain 2009
Rialachas corparáideach
Ceanncheathrú	Baile Átha Cliath, Éire
Eile
Dath
Suíomh gréasáin	http://www.progressivedemocrats.ie

Stair

Ba é Deasún Ó Máille agus Máire Ní Áirne a bhunaigh an páirtí ar an 21 Nollaig 1985. Bhuaigh an páirtí ceithre shuíochán déag i nDáil Éireann i 1987. Bhuaigh siad sé shuíochán i 1989, agus toghadh Pádraig Mac an Choiligh ina Fheisire Eorpach an bhliain chéanna. Chuaigh an páirtí i gcomhrialtas le Fianna Fáil go dtí 1992, agus arís ó 1997 go dtí an lá atá inniu ann.

Bliain Dheireanach agus Scor an Pháirtí

Bualadh an Páirtí Daonlathach go tubaisteach in Olltoghchán 2007, nuair a laghdaíodh líon na dTeachtaí Dála acu ó 8 go 2. Ba é seo an laghdú ba shuntasaí ar líon na suíochán ó bunaíodh an pháirtí. Bhí a gceannaire, Mícheál Mac Dubhghaill, ina measc siúd a chaill a suíochán agus d'éirigh sé as ceannaireacht an pháirtí ar an bpointe boise, rud a chuir olc ar go leor de lucht an pháirtí ina dhiaidh sin. Ceapadh Máire Ní Áirne mar cheannaire sealadach ar an bpáirtí arís go dtí gur toghadh an Seanadóir Ciarán Ó Canáin mar cheannaire nua a mbeadh sé d'ualach air eagraíocht an pháirtí a thógáil arís ón mbun. Cé gur gheall an Canánach gníomhartha móra chun staid an pháirtí a fheabhsú, ba léir do na boic mhóra sa pháirtí, Máire Ní Áirne ina measc, go raibh raibh sé ar an dé deiridh agus tionóladh comhdháil speisialta sa Mhuileann gCearr ar 8 Samhain, 2008, chun vóta a chaitheamh ar scor an pháirtí. Cé go raibh go leor ball ann a bhí ag maíomh roimhe seo nach raibh siad sásta le caint ar bith faoi dheireadh an pháirtí, glacadh le rún chuige sin le 201 vóta ar a shon agus 160 vóta ina choinne.^[1]

Ceannairí

• Deasún Ó Máille (1985–1992)
• Máire Ní Áirne (1993–2006)
• Mícheál Mac Dubhghaill (2006–2007)
• Máire Ní Áirne (2007–2008)
• Ciarán Ó Canáin (2008)

Leas-Cheannaire

• Michael Keating (1986–1989)
• Pearse Wyse (1989–1992)
• Pádraig Mac an Choiligh (1992–1994)
• Liz O'Donnell (2006–2007)
• Noel Grealish (2007–2009)

Tagairtí

1. https://archive.today/20120911150026/www.rte.ie/news/2008/1108/pd.html

Naisc sheachtracha

• (Béarla) Suíomh oifigiúil