Micheál Mac Liammóir
aisteoir Éireannach / From Wikipedia, the free encyclopedia
Fear ildánach, aisteoir, drámadóir, gníomhaí ealaíne (nó agent artistique) agus scríbhneoir Sasanach ba ea Micheál Mac Liammóir[1] (a rugadh Alfred Willmore ar 25 Deireadh Fómhair 1899 i Londain agus a fuair bás ar 6 Márta 1978 i mBaile Átha Cliath), agus an phearsa amharclainne ba mhó in Éirinn sa 20ú haois.[2] Aithnítear inniu an Liammóireach ar dhuine de na drámadóirí is mó le rá i gcanóin liteartha na Gaeilge.[3]
Beathaisnéis | |
---|---|
Breith | 25 Deireadh Fómhair 1899 Londain, England |
Bás | 6 Márta 1978 78 bliana d'aois Baile Átha Cliath, Éire |
Áit adhlactha | Reilig Naomh Fhiontain, Cill Fhionntain |
Gníomhaíocht | |
Gairm | file, aisteoir scannáin, comhairleoir amharclainne, aisteoir stáitse, péintéir, drámadóir |
Teangacha | An Ghaeilge |
|
Bhí cluas mhaith aige don cheol agus don fhocal labhartha; ní raibh baint ar bith ag a mhuintir le hÉirinn agus d'fhoghlaim sé Gaeilge mar dhuine fásta.
Rinne Mac Liammóir an-iarracht a fhéiniúlacht nua Ghaelach a mhúnlú. Agus é sna fichidí, bhí an Ghaeilge ar a thoil aige agus leag sé seo béim ar an bhféiniúlacht nua seo. Ba léir do mhuintir na drámaíochta in Éirinn go raibh sé ag aisteoireacht trína shaol ar fad, agus gur bhain sé leas as an nGaeilge leis an bhféiniúlacht seo a chothú agus a bhuanú.[3]