Domhnaill Ó Bearáin

Breitheamh Éireannach ab ea Donal Barrington nó Domhnaill Ó Bearáin (28 Feabhra 1928 – 3 Eanáir 2018), Bhí sé ina bhreitheamh den Ard-Chúirt (1979-89), de Chúirt Chéadchéime na gComhphobal Eorpach (An Chúirt Ghinearálta (Aontas Eorpach) inniu)^[1] (1989-96) agus den Chúirt Uachtarach (1996-2000).^[2][3]

Domhnaill Ó Bearáin

Beathaisnéis
Breith	28 Feabhra 1928 Contae Átha Cliath Theas, Éire
Bás	3 Eanáir 2018 89 bliana d'aois
Uachtarán Irish Human Rights Commission (en)
Breitheamh An Chúirt Uachtarach
Faisnéis phearsanta
Scoil a d'fhreastail sé/sí	Coláiste Belvedere An Coláiste Ollscoile, Baile Átha Cliath Óstaí an Rí
Gníomhaíocht
Gairm	breitheamh, abhcóide
Gradam a fuarthas  dochtúireacht oinigh Bronnta ag Ollscoil na hÉireann

Na Ceithre Cúirteanna, BÁC

Saol

Agus é ina neach léinn i gCOBÁC, bhí sé ina Reachtaire ar an gCumann Dlí sa bhliain acadúil 1949-50. Glaodh chun an Bharra air an bhliain dár gcionn.

Sa bhliain 1967 rinneadh abhcóide sinsearach de. I rith a shaoil gairme fhada mar dhlíodóir, phléideáil sé roinnt cásanna ríthábhachta, cosúil le

• Byrne v Ireland (deireadh le díolúine an stáit),
• McGee v Attorney General (ceart na lánúineacha pósta chun frithghiniúna) agus
• an cás a thug An tAthair PX Ó Máirtín i gcoinne Bhardas Bhaile Átha Cliath maidir le tógáil Oifigí na Cathrach ag Cé an Adhmaid.

Chomh maith le bheith ina dhlíodóir agus ina bhreitheamh, ba intleachtóir tábhachtach é in Éirinn sa tríú ceathrú den fhichiú haois, go mór mór mar gheall ar an bpáirt a ghlac sé sa ghrúpa Tuairim. Rinne sé cuid mhaith den réiteach i gcomhair athrú dearcaidh náisiúnaithe na hÉireann maidir le Tuaisceart Éireann agus le hAontachtaithe Uladh.

Tagairtí

1. "General Court (European Union)" (as en) (2021-01-02). Wikipedia.
2. Scoil Dlí, COBÁC. "Donal Barrington" (ga). www.facebook.com. Dáta rochtana: 2021-01-04.
3. ihrec.ie. "AN COIMISIÚN UM CHEARTA DAONNA NA hÉIREANN, 2003". Dáta rochtana: 2021.

Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.