![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b6/CrowdStrike_blue_screen_of_death.png/640px-CrowdStrike_blue_screen_of_death.png&w=640&q=50)
Cur isteach domhanda ar Teicneolaíocht Faisnéise 2024
From Wikipedia, the free encyclopedia
Tharla cur isteach domhanda ar Teicneolaíocht Faisnéise ar an 19 Iúil 2024. Bhí gnólachtaí agus earnálacha ar fud na cruinne buailte ag briseadh mór sa teicneolaíocht faisnéise; buaileadh cuid den idirlíon agus comhlachtaí taistil, cumarsáide, baincéireachta agus sláinte.[1]
![Thumb image](http://upload.wikimedia.org/wikipedia/commons/thumb/f/fc/Crowedstrike_logo.png/220px-Crowedstrike_logo.png)
![Thumb image](http://upload.wikimedia.org/wikipedia/commons/thumb/b/b6/CrowdStrike_blue_screen_of_death.png/640px-CrowdStrike_blue_screen_of_death.png)
![Thumb image](http://upload.wikimedia.org/wikipedia/commons/thumb/a/ab/CrowdStrike_Merchant_Payment_Error.jpg/640px-CrowdStrike_Merchant_Payment_Error.jpg)
D'éirigh an briseadh as fadhb ag Crowdstrike, an comhlacht domhanda cibearshlándála. Díolann CrowdStrike bogearraí le cur in aghaidh víorais ríomhaireachta ar chórais Windows, táirge de chuid Microsoft. Uasdhátú ar na bogearraí is cosúil ba chúis leis na fadhbanna domhanda.[2]
Chuir CrowdStrike 'paiste' ar fáil in aghaidh an fhabht agus dúirt an comhlacht go raibh sé ag obair go dlúth le custaiméirí a bhí buailte ag an locht. Dúirt príomhfheidhmeannach an chomhlachta frithvíorais George Kurtz gur aimsíodh an fhadhb, gur scoitheadh amach í, agus go bhfuil paiste curtha i bhfeidhm anois.
Níos luaithe, dúirt Azure, an rannóg néal-ríomhaireachta i Microsoft, go raibh a fhios acu an chaoi a raibh an uasdátú ar na bogearraí Falcon ó CrowdStrike ag cur as d'innreallra. Is amhlaidh a sháinnigh Falcon an t-inneallra ag an gcéim tosaigh, agus go raibh na meaisíní ag atosú de shíor agus gan bheith in ann dul céim níos faide chun cinn.[2]
I measc na gcomhlachtaí aitheanta a bualadh, bhí Ryanair, American Airlines agus Sky News. Sa mBreatain, bhí an seiceáil isteach de láimh ag cur moill an-mhór ar eitiltí agus bhí scuainí fada ag cur an-bhrú ar fhoirne ansiúd. Sna Stáit Aontaithe, níor éirigh roinnt eiltiltí de chuid American Airlines, Delta, United nó Allegiant an talamh.