![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c7/Dublin_Riots.jpg/640px-Dublin_Riots.jpg&w=640&q=50)
Círéibeacha Bhaile Átha Cliath 2006
From Wikipedia, the free encyclopedia
Phléasc círéibeacha Bhaile Átha Cliath amach ar an 25 Feabhra 2006, nuair a bhí an eagraíocht úd Love Ulster ag iarraidh máirseáil na ndrumaí móra a chóiriú i lár na cathrach i stíl na nOráisteach le súil a tharraingt ar a gcruachás siúd a bhí thíos le foréigean i dTuaisceart Éireann.
Cineál | círéib ![]() |
---|---|
Dáta na bliana | 25 Feabhra 2006 ![]() |
Suíomh | Baile Átha Cliath, Éire ![]() |
Tír | Éire ![]() |
![Thumb image](http://upload.wikimedia.org/wikipedia/commons/thumb/c/c7/Dublin_Riots.jpg/320px-Dublin_Riots.jpg)
Bhí an mórshiúl seo ina ábhar conspóide go háirithe ag na dreamanna éagsúla "Poblachtánacha" i bhfad roimh ré, ach d'ordaigh a gcinnirí siúd do lucht a leanúna gan cur in aghaidh na bProtastúnach. Nuair a tháinig lá an chaighdeáin, áfach, d'éirigh ina chogadh dearg idir na Gardaí agus na fir óga a bhí bailithe le bac a chur leis an máirseáil, agus b'éigean an mórshiúl féin a chur ar ceal.
Fuair na círéibeadóirí an lámh in uachtar ar na Gardaí, agus mhair siad ag loitiméireacht ar fud lár na cathrach ar feadh i bhfad[1]. Rinneadh foghail agus creachadh ar chuid mhaith de na siopaí, agus tugadh leadhbairt do thriúr siopadóirí de phór na hÁise.