Páirtí polaitíochta i bPoblacht na hÉireann é An Páirtí Daonlathach (Progressive Democrats i mBéarla). Glacadh le rún ag comhdháil speisialta ar 8 Samhain, 2008, chun an páirtí a scor, mar gheall ar vóta íseal an pháirtí in Olltoghchán 2007.
|
|||||
| Sonraí | |||||
|---|---|---|---|---|---|
| Ainm gearr | PD  | ||||
| Cineál | páirtí polaitíochta iarpháirtí liobrálach | ||||
| Idé-eolaíocht pholaitíochta | liobrálachas | ||||
| Ailíniú polaitíochta | ar dheis ón lár | ||||
| Stair | |||||
| Dáta a bunaíodh | 21 Nollaig 1985 | ||||
| Bunaitheoir(í) | Deasún Ó Máille | ||||
| Dáta díscaoilte, díothaithe nó scartáilte | 20 Samhain 2009 | ||||
| Rialachas corparáideach | |||||
| Ceanncheathrú | |||||
| Eile | |||||
| Dath | | ||||
| Suíomh gréasáin | http://www.progressivedemocrats.ie | ||||
,_circa_2000s.png)
Stair
Ba é Deasún Ó Máille agus Máire Ní Áirne a bhunaigh an páirtí ar an 21 Nollaig 1985. Bhuaigh an páirtí ceithre shuíochán déag i nDáil Éireann i 1987. Bhuaigh siad sé shuíochán i 1989, agus toghadh Pádraig Mac an Choiligh ina Fheisire Eorpach an bhliain chéanna. Chuaigh an páirtí i gcomhrialtas le Fianna Fáil go dtí 1992, agus arís ó 1997 go dtí an lá atá inniu ann.
Bliain Dheireanach agus Scor an Pháirtí
Bualadh an Páirtí Daonlathach go tubaisteach in Olltoghchán 2007, nuair a laghdaíodh líon na dTeachtaí Dála acu ó 8 go 2. Ba é seo an laghdú ba shuntasaí ar líon na suíochán ó bunaíodh an pháirtí. Bhí a gceannaire, Mícheál Mac Dubhghaill, ina measc siúd a chaill a suíochán agus d'éirigh sé as ceannaireacht an pháirtí ar an bpointe boise, rud a chuir olc ar go leor de lucht an pháirtí ina dhiaidh sin. Ceapadh Máire Ní Áirne mar cheannaire sealadach ar an bpáirtí arís go dtí gur toghadh an Seanadóir Ciarán Ó Canáin mar cheannaire nua a mbeadh sé d'ualach air eagraíocht an pháirtí a thógáil arís ón mbun. Cé gur gheall an Canánach gníomhartha móra chun staid an pháirtí a fheabhsú, ba léir do na boic mhóra sa pháirtí, Máire Ní Áirne ina measc, go raibh raibh sé ar an dé deiridh agus tionóladh comhdháil speisialta sa Mhuileann gCearr ar 8 Samhain, 2008, chun vóta a chaitheamh ar scor an pháirtí. Cé go raibh go leor ball ann a bhí ag maíomh roimhe seo nach raibh siad sásta le caint ar bith faoi dheireadh an pháirtí, glacadh le rún chuige sin le 201 vóta ar a shon agus 160 vóta ina choinne.[1]
Ceannairí
- Deasún Ó Máille (1985–1992)
- Máire Ní Áirne (1993–2006)
- Mícheál Mac Dubhghaill (2006–2007)
- Máire Ní Áirne (2007–2008)
- Ciarán Ó Canáin (2008)
Leas-Cheannaire
- Michael Keating (1986–1989)
- Pearse Wyse (1989–1992)
- Pádraig Mac an Choiligh (1992–1994)
- Liz O'Donnell (2006–2007)
- Noel Grealish (2007–2009)
Tagairtí
Naisc sheachtracha
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
