From Wikipedia, the free encyclopedia
De swimflues kin ferwize nei in swimfin, mar oer it algemien tsjut men der in hûdploai mei oan dy't twa teannen mei-inoar ferbynt. Soks komt in protte foar by akwatyske (yn it wetter libjende) bisten, lykas amfibyen, wetterfûgels en wettersûchdieren lykas otters, bevers, Amerikaanske nertsen, beskate soarten kjifdieren en it fûgelbekdier. By it sprieden fan 'e teannen wurdt it swimflues strak lutsen, wat it oerflak fan 'e poat drastysk fergruttet en by wize fan sprekken feroaret yn in soarte fan peddel. Dêrmei kinne sokke bisten dus mear wetter ferpleatse, sadat se hurder of yn elts gefal effisjinter swimme kinne.
_-feet.jpg)
By minsken komme hiel selden oanberne swimfluezzen foar tusken de teannen, yn 'e regel tusken de twadde en de trêde tean (as men de grutte tean as de earste beskôget). Dat is in genetyske mutaasje, dy't as yrritant ûnderfûn wurde kin. Tsjintwurdich litte de measte minsken dy't soks yn 'e Westerske wrâld hawwe, it troch in ienfâldige plastyske operaasje fuorthelje.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
