Saskatoon

Saskatoon is de grutste stêd yn de Kanadeeske provinsje Saskatchewan. De stêd leit oan de rivier de Súd Saskatchewan.

Saskatoon
Bestjoer
Lân	Kanada
Provinsje	Saskatchewan
Sifers
Ynwennertal	224.300 (2010)
Oerflak	217,92 km²
Stêdekloft	265.259
Hichte	481,5 m
Oar
Stifting	1883
Tiidsône	CST (UTC−6)
Koördinaten
Offisjele webside
http://www.saskatoon.ca

Saskatoon hat in klimaat mei hjitte simmers en kâlde winters. Totaal hat Saskatoon sa'n 2381 oere sinne it jier, ien fan de heechste weardes fan Kanada.

Saskatoon is in wichtich sintrum foar de distribúsje fan Saskatchewan's lânbouprodukten, fral fan nôt. Mynbou is ek fan grut belang foar de stêd en omkriten.

De earste delsettingen yn wat letter Saskatoon wurde soe, kamen yn 1883 en 23 jier letter waard it plak offisjeel in stêd. De namme fan de stêd is ôflaat fan it Kreewurd mis-sask-quah-toomina wat in lokaal foarkommende frucht is.

Saskatoon wurdt wol The City of Bridges neamd fanwege de 7 brêgen dy't it hat. It ynternasjonale fleanfjild fan Saskatoon is ferneamd nei de eardere minister-presidint fan Kanada John Diefenbaker.

• 
  Wetterpark oan de rivier
• 
  Efterkant fan Hotel Bessborough
• 
  Yngong fan it Thorvaldsongebou, universiteit fan Saskatchewan
• 
  Universiteitsbrêge Saskatoon

Partnerstêden

• Umeå, Västerbotten, Sweden
• Shijiazhuang, Hebei, Folksrepublyk Sina
• Keulen, Noardryn-Westfalen, Dútslân
• Tampere, Pirkanmaa, Finlân

Berne yn Saskatoon

• Joanna Glass (* 1936), skriuwster
• Roy Romanow (* 1939), politikus
• Catriona LeMay-Doan (23 desimber 1970), reedrydster
• Edith Wiens (* 1950), operasjongster
• Dafydd Rhys Williams (* 1954), astronaut

Keppeling om utens

• (in) Toeristeside Saskatoon

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Saskatoon fan Wikimedia Commons.