Sûndastrjitte
From Wikipedia, the free encyclopedia
From Wikipedia, the free encyclopedia
De Sûndastrjitte of Strjitte fan Sûnda (Yndonezysk en Sûndaneesk: Selat Sunda) is in seestrjitte tusken de Yndonezyske eilannen Java en Sumatra. Yn de midden fan de Sûndastrjitte leit it fulkanyske eilân Krakatau, mear de noardeastkant út, yn it smellere part fan de strjitte leit it eilân Sangiang. De strjitte is in ferbining tusken de Javasee en de Yndyske Oseaan.
| Sûndastrjitte | ||
 | ||
| geografy | ||
| type wetter | see-ingte | |
| lokaasje | tusken Java en Sumatra | |
| lân |  Yndoneezje | |
| ûnderdiel fan | Yndyske Oseaan | |
| sifers | ||
| maks. lingte | ±150 km | |
| maks. breedte | 100 km | |
| djiptegemiddelde | 20 m | |
| djipste punt | 100 m | |
It westlik part is oant sa'n 100 m djip, nei it westen wurdt de strjitte smeller en ûndjipper; mei de sânbanken, de sterke streamings en obstruksjes sa as oaljeplatforms foar de Javaanske kust, is it dreech navigearjen yn dizze seestrjitte. Fanâlds is de seestrjitte fan grut balang foar de skipfeart west, benammen yn it tiidrek doe't it foar de Feriene Eastyndyske Kompanjy de poarte nei de Speserije-eilannen en havens fan Java wie (1602-1799). Troch syn smellens, ûndjipten en brekme oan sekuere kaarten is de seestrjitte net geskikt foar grutte moderne skippen; meast brûke dy dêrom de Strjitte fan Malakka.[1]
Op 1 maart 1942 waard hjir slach levere: - de alliearde krúsers HMAS Perth (D29) en USS Houston (CA-30) foelen doe in Japanske lâningsleger, mei krúsers, ûnderseeboatjagers en in fleandekskip, ûnder skout-by-nacht Kenzaburo Hara, by Bantam oan. De alliearde krúsers waarden ta sinken brocht, neidat se Japanske minefegers en in transportskip de grûn yn boarre hiene. De Slach yn de Sûndastrjitte wie part fan de Slach yn de Javasee.
Yn de jierren 60 fan de 20e iuw waard útsteld om in brêge oer de Sûndastrjitte te lizzen, yn de 90er jierren kaam it plan wer op it aljemint. Oktober 2007 kaam der in nij plan: in hingbrêge yn fjouwer parten fan sa'n 3 kilometer, 70 meter boppe de seespegel, oanlein oer de eilannen Ular, Sangiang en Prajurit en hast 50% langer as de Akashi-Kaikyo Brêge. At it bedrach fan US$10 miljard op it kleed komt, kin mei de bou úteinsetten wurde yn 2012.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
