From Wikipedia, the free encyclopedia
It Omaha-Ponka is in lytse taalkloft dy't diel útmakket fan 'e Sûaanske talen, in grutte taalfamylje dêr't in protte lânseigen Yndiaanske talen út Noard-Amearika ta hearre. It Omaha-Ponka heart ta de Degihaanske groep fan 'e Westsûaanske talen, en is nau besibbe oan it Kansa-Osadzje en oan it Kwapou.
Omaha-Ponka | ||
algemien | ||
oare namme(n) | Omaha-Ponka-talen | |
lokaasje | Grutte Flakten | |
tal talen | 2 | |
tal sprekkers | 25 (2007) | |
taalbesibskip | ||
taalfamylje | ● Sûaansk ● Westsûaansk ● Mississippydelling- Sûaansk ● Degihaansk ● Omaha-Ponka | |
subgroepen | ● Omaha ● Ponka |
Ta dit taalgroepke hearre twa talen, it Omaha (Omaha) en it Ponka (Ponca), dy't sa nau oaninoar besibbe en sa goed ûnderling fersteanber binne dat se troch de measte taalkundigen as dialekten beskôge wurde en it Omaha-Ponka net as in taalgroep, mar as in taal. De Omaha- en Ponka-Yndianen sjogge dat lykwols oars, en beskôgje harren eigen respektivelike spraken wol deeglik as selsstannige talen.
It Ponka is útstoarn, en it Omaha hie yn 2007 noch mar 25 memmetaalsprekkers en 35 twadde-taalsprekkers. Der wurdt krewearre om 'e beide talen wer nij libben yn te blazen.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.