De Nebula Awards binne in groep prizen dy't ienris yn it jier útrikt wurde foar de bêste science fiction- en fantasywurken fan it foargeande jier. De namme is it Ingelske wurd foar in galaktyske dize of galaktyske nevel, wat in massa gas of stof of in ferminging fan beide yn 'e ynterstellêre romte is, lykas de bekende Krabdize of de Grutte Oriondize. De prizen wurde útrikt troch de Amerikaanske Science Fiction and Fantasy Writers of America, in nonprofitorganisaasje fan profesjonele skriuwers fan dy beide sjenres. De earste útrikking fan 'e Nebula Awards fûn plak yn 1966 en sûnt wurde se (tegearre mei de Hugo Awards) beskôge as ien fan 'e meast prestizjeuze prizen dy't in science fiction- en/of fantasyauteur mar winne kin.
| Nebula Award | ||
| algemiene ynformaasje | ||
| nasjonaliteit |  Amerikaansk | |
| útrikt foar | science fiction- en fantasyliteratuer | |
| útrikt troch | Science Fiction and Fantasy Writers of America | |
| frekwinsje | 1x jiers | |
| plak | [ferskilt per jier] | |
| 1e útrikking | 1966 | |
| offisjele webside | ||
| www.sfwa.org/nebula-awards/ | ||
De Nebula Awards wurde útrikt yn fjouwer kategoryen:
- Bêste roman (sûnt 1966): in ferhaal fan 40.000 wurden of mear.
- Bêste novelle (sûnt 1966): in ferhaal fan 17.500-40.000 wurden.
- Bêste koarte novelle (sûnt 1966): in ferhaal fan 7.500-17.500 wurden.
- Bêste koarte ferhaal (sûnt 1966): in ferhaal fan minder as 17.500 wurden.
Yn it ferline hat der noch ien oare kategory bestien:
- Bêste skript (1974-1978; 2000-2009): in skript foar in spylfilm of ôflevering fan in tillefyzjesearje.
Keppelings om utens
Boarnen, noaten en referinsjes
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
