De Golf fan Sirte (ek wol de Golf fan Sidra neamd) wurdt foarme troch in ynham fan 'e Middellânske See yn 'e kust fan Noard-Afrika. It is feitliks it súdlikste diel fan 'e Middellânske See, dat foar de kust fan Lybje leit. Fan west nei east is dit wetter 439 km lang, wylst it op it breedste plak 177 km fan noard nei súd mjit. Yn totaal beslacht de Golf fan Sirte in oerflak fan 57.000 km². It wetter is ferneamd nei de stêd Sirte (of Sidra), dy't oan 'e súdwestkust leit.
| Golf fan Sirte | ||
 | ||
| Satellytfoto fan 'e Golf fan Sirte. | ||
| geografy | ||
| type wetter | rânesee | |
| lokaasje | foar de noardkust fan Lybje | |
| lân |  Lybje | |
| koördinaten | 31°30′N 18°00′E | |
| ûnderdiel fan | Middellânske See | |
| sifers | ||
| maks. lingte | 439 km | |
| maks. breedte | 177 km | |
| oerflak | 57.000 km² | |
De Golf fan Sirte is al iuwenlang in sintrum fan 'e tonynfiskerij yn 'e Middellânske See. Yn 'e 1980-er jierren besocht de Libyske diktator Muammar Kadaffi om 'e territoriale wetters fan syn lân oer de hiele Golf fan Sirte út te wreidzjen. Dat late ferskate kearen ta ynsidinten mei de Feriene Steaten, dy't skippen fan har yn 'e Middellânske See stasjonearre Sechsde Float de Golf binnenfarre lieten om dúdlik te meitsjen dat sy it noch altyd as ynternasjonale wetters beskôgen. Yn 1981, 1986 en 1989 fûnen der wapene ynsidinten plak tusken Lybje en de Feriene Steaten, dy't foar in part mei de ûnienichheid oer de Golf fan Sirte te krijen hiene.
Boarnen, noaten en referinsjes
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
