Glenn Hammond Curtiss (Hammondsport (New York), 21 maaie 1878 - Buffalo, 23 july 1930) wie in Amerikaansk, ûndernimmer, piloat, konstrukteur en pionier fan de Amerikaanske loftfeartyndustry.
.jpg)
Hy sette syn karriêre útein as hurdfytser en fytsmakker; letter ferruile er de fyts foar de motorfyts. Al yn 1904 sette er útein mei de fabrikaazje fan motors foar loftskippen. Yn 1908 waard er lid fan de Aerial Experiment Association (AEA), in ûndersyksgroep dy't pionierre op it mêd fan de loftfeart, en stichte waard troch Alexander Graham Bell yn Beinn Bhreagh Nova Scotia.
Curtiss makke de earste offisjele flecht yn Noard-Amearika dêr't tsjûgen by wiene, wûn in race by de earste Grande Semaine d'Aviation-wedstriid yn Reims (Frankryk) en makke de earste lange-ôfstânsflecht yn de Feriene Steaten. Curtiss syn bydragen oan it ûntwerpen en bouwen fan fleanmasines late ta de oprjochting fan de Curtiss Aeroplane and Motor Company, no in ûnderdiel fan Curtiss-Wright Corporation. Syn bedriuw boude fleantugen foar it Amerikaanske leger en de marine, en yn de oanrin nei de Earste Wrâldkriich laten syn eksperiminten mei wetterfleantugen ta foarútgong fan de maritime fleanderij. Curtiss syn boarger- en militêre fleantugen oerhearsken de Amerikaanske loftfeart yn it ynterbellum.
Glenn Hammond Curtiss waard 1964 opnaam yn de National Aviation Hall of Fame, yn 1990 yn de Motorsports Hall of Fame of America, yn 1998 yn de Motorcycle Hall of Fame en yn 2003 yn de National Inventors Hall of Fame. It National Air and Space Museum fan it Smithsonian Institute hat in tal orzjinele dokuminten en in tal fleantugen, motorfytsen en motoren fan Curtiss. Yn Hammondsport stiet it Glenn H. Curtiss Museum.
Glenn H. Curtiss syn fleanbrevet
24 jannewaris 1907 waard Curtiss op syn V8 de fluchste man fan de wrâld
Curtiss syn oare helte Lena Pearl Neff, 1910
"FIRM BELIEVERS IN TRANS-ATLANTIC AVIATION"
Porte en Curtiss op de omslach fan Aero and Hydro, 14 maart 1914
- U.S. Government Centennial of Flight - Glenn Curtiss
- Glenn Curtiss Museum yn Hammondsport, NY
- National Aviation Hall of Fame: Glenn Curtiss
- Glenn Curtiss op IMDb.com
 |
Ofbylden dy't by dit ûnderwerp hearre, binne te finen yn de kategory Glenn Curtiss fan Wikimedia Commons. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
