Filips fan Marnix fan Sint-Aldegonde

Filips fan Marnix, hear fan Sint-Aldegonde, hear fan West-Souburg (Brussel, tusken 7 maart en 20 july 1540 – Leien, 15 desimber 1598) wie in Súd-Nederlânsk skriuwer, diplomaat, learde en assistint fan Willem fan Oranje. Marnix wie boargemaster fan Antwerpen ûnder it belis en de fal fan Antwerpen yn 1585. Hy wurdt faak beskôge as de skriuwer fan it "Wilhelmus", it Nederlânsk folksliet, mar wis is dat net hielendal.

Dizze side giet oer Filips fan Marnix fan Sint-Aldegonde. Foar syn fiere (en Spaanskgesinde) famyljelid, sjoch: Filips fan Sint-Aldegonde fan Noircarmes.

Wichtichst wurk

Marnix fan Sint-Aldegonde skreau tal fan wurken yn it Nederlânsk, Frânsk en Latyn. Meidat er ek Gryksk en Hebriuwsk koe makke er ek Bibelfertalingen.

Van de Beelden afgheworpen in de Nederlanden in Augusto 1566.
Pas yn 1871 foar it earst printe yn Nederlân, mar yn 1567 al yn it Frânsk mei de titel Vraye narration et apologie des choses passées au Pays-Bas: touchant le fait de la religion, en l'an 1566.
Het Advys aengaende de Twist in de Nederduytsch Hervormde Kercke tot London in Engellandt, Anno 1568.
Van ende aen denselven als de voorgaende.
1569: Den Byencorf der H. Roomsche Kercke.
Earder satirysk as riddenearjend geskrift, sûnder datum ferskynd ûnder skûlnamme Isaac Rabbotenu. Letter wurke er it fierder út yn it Frânsk ta it mânske Tableau des differens de la religion fan 1500 siden.
1580: Het boeck der psalmen Davids.
1583: Ratio instituendae iuventutis.
1589: Trouwe vermaninge aen de christelicke gemeynten van Brabant, Vlaenderen, Henegauwen ende andere omliggende Landen.

Literatuer

1952 F. van Kalken en T. Jonckheere, Marnix van St.Aldegonde .
1979 Filips van Marnix, de intellectueel in de politiek (yn: Jan en Annie Romein - Erflaters van onze beschaving)

Keppelings om utens

Boarnen, noaten en referinsjes

[1]