Eugène Desmarest, ek wol Anselme Sébastien Desmarest (folút: Eugène Anselme Sébastien Léon Desmarest; 31 maart 1816 – 22 desimber 1890) wie in Frânsk biolooch en publisist.
Desmarest waard yn 1816 berne as de soan fan 'e foaroansteande biolooch Anselme Gaëtan Desmarest (1784-1838), en de pakesizzer fan 'e geolooch Nicolas Desmarest (1725-1815). Yn neifolging fan syn heit ûntjoech er him ta in biolooch fan namme, wêrby't er him benammen talei op 'e entomology, de herpetology en de ichtyology.
Hy stie oan it haad fan 'e ôfdieling Ferlykjende Anatomy en Antropology fan it Nasjonaal Natoerhistoarysk Museum yn Parys. Foar de natoerhistoaryske ensyklopedy dy't tusken 1851 en 1881 yn ferskate dielen útjûn waard troch Jean-Charles Chenu, skreau Desmarest it diel oer flueswjukten (Hymenoptera), lykas bijen, meepsen en eamels, dat datearret fan 1860, en it diel oer reptilen en fisken, út 1874.
Sûnt 1838 wie Desmarest lid fan it Entomologyske Genoatskip fan Frankryk, en fan 1840 oant 1889 wied er dêr siktaris fan. Desmarest kaam yn 1890, yn 'e âlderdom fan 74 jier te ferstjerren.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
