From Wikipedia, the free encyclopedia
Carson City is sûnt 1861 de haadstêd fan de Amerikaanske steat Nevada. It plak lei yn it fierste westen fan de steat oan de igge fan de Tahoemar. It is in ûnôfhinklik stedsdistrikt, dat it heart net by in county fan Nevada.
| Carson City Consolidated Municipality of Carson City | ||
 | ||
| Kapitool fan Nevada | ||
| Bestjoer | ||
| Lân | Feriene Steaten | |
| Steat | Nevada | |
| Sifers | ||
| Ynwennertal | 55.274 (2010) | |
| Oerflak | 435 km² | |
| Befolkingsticht. | 151 / km² | |
| Hichte | 1.463 m | |
| Oar | ||
| Stifting | 1858 | |
| Tiidsône | Pasifyk (UTC−8) | |
| Simmertiid | Pacific (UTC−7) | |
| Koördinaten | ||
| Offisjele webside | ||
| Webside Carson City | ||
De stêd waard stifte yn 1851 yn de tiid dat de mynbou bot opgong makke yn Nevada. Yn it gefal fan Carson City gie it om sulverminen, dy't al lang leeghelle binne.
De earste Jeropeanen dy't de omriten besochten, wiene de leden fan de ekspedysje fan John C. Frémont yn jannewaris 1843. Fremont ferneamde de pleatslike rivier, de Carson, nei syn ferkenner en Mountain Man Christopher „Kit“ Carson. De delling en omkriten waarden doetiids bewenne troch de Wasjû. De hannelspost oan de rivier de Carson hjitte tenei Eagle Station. Yn 1858 waard de namme fan de delsetting, dy't him stadichoan ûntjaan kinnen hie, feroare yn Carson City.
Doe't der yn de neifolgjende jierren goud en sulver yn it tichteby lizzende Comstock Lode (dat no ûnder Firginia City rekkene wurdt) ûntdutsen waard, folge in ûnbige groei fan Carston. Fanwege dy sterke befolkingsgroei waard Nevada yn 1861 fan it Utah-Territoarium skieden. It slagge Carson City om de konkurrinten Firginia City en American Flat foar te bliuwen yn de striid om haadstêd te wurden. Carson is haadstêd bleaun, ek neidat it Nevada-terriroarim yn 1864 in dielsteat waard. Mei dêrtroch waard de ôfhinklikheid fan mynbou minder en waard hannel mear wichtich. Tusken Virginia City en Carson City waard it Virginia & Truckeespoar oanlein en yn 1870-71 waard it Kapitool fan Nevada boud.
De oanlis fan it spoar oer de Donnerpas, koe Carson net fan profitearje omdat it te fier nei it noarden lei, dat de hannel waard minder en it ynwennertal fan Carson City sakke. Doe't de mynbou yn Tonopah en Goldfield opgong makke, koe Carson dêr in skoft har foardiel mei dwaan. Yn de rin fan de 20e iuw waakste it plak stadichoan, sadat yn de sechtiger jierren it ynwennertal fan 1880 fannijs berikt waard.
It toerisme is tige wichtich foar Carston. Trekpleisters binne de kasino's, de spûkstedsjes yn de omkriten út de tiid fan it Wylde Westen en de sulver- en goudminen dy't net mear yn it wurk binne.
 | Ofbylden dy't by dit ûnderwerp hearre, binne te finen yn de kategory Carson City, Nevada fan Wikimedia Commons. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
