Harkboek
From Wikipedia, the free encyclopedia
From Wikipedia, the free encyclopedia
In harkboek, ek wol 'audioboek' as 'sprutsen boek' neamd, is in lûdsregistraasje fan it foarlêzen fan in boek. Yn it kommersjele ferkear wurdt in harkboek útbrocht op kompaktskiven, of as triemmen dy't nei beteljen middels ynternet delladen wurde kinne. Ek binne der wol guon fergees del te laden yn mp3-foarm.
De oarsprong fan it sprutsen boek leit yn it bibleteekwurk foar blinen. It brailleboek wie net foar eltsenien út dy doelgroep geskikt. Mei de komst fan de tape-recorder waard it mooglik om boeken op lûdsbân yn te sprekken. Yn Nederlân kaam it earste sprutsen boek út yn 1955 by it blinenynstitút Sint Henricus yn Grave. It wie "De âlde man en de see" fan Ernest Hemingway.
Yn Fryslân waarden fan de Nederlânske ferzje fan de Mentha Minnemaboekjes troch skriuwer Jan Schotanus sels ynlêzen Fryske ferzjes útjûn yn 2006. Mei help fan in tekstbedriuw hawwe Jan en Marja Schotanus yn 2009 yn fûns opboud fan sa's 35 titels. Krapoan de helte dêrfan bestiet út berneboeken, de oare helte út hjoeddeiske en al wat âldere romans as 'Feroaring fan Lucht' fan Rink van der Velde, 'It Ferset' fan Harmen Wind, 'Sûnder garânsje' fan Froukje Annema en 'Een brogge fan glas' fan Stellingwerver skriuwer Johan Veenstra. De measte skriuwers sprekke har eigen boek yn, mar se wurde ek wol ynlêzen troch skriuwers as Douwe Kootstra.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
