From Wikipedia, the free encyclopedia
De stellingmole ’t Laam is in stellingmûne en ryksmonumint yn Wâldsein en waard om 1740 hinne boud. De mûne wurdt brûkt as nôt- en pelmûne. Boppe de tagongsdoar hinget in skilderij fan in lamke. De mûne is hast alle wurkdagen yn bedriuw en is ien fan de âldste nôtmûnen fan Fryslân.
| 't Laam | ||
 mûne / mole | ||
 | ||
| lokaasje | ||
| lân |  Nederlân | |
| provinsje |  Fryslân | |
 Súdwest-Fryslân | ||
| plak |  Wâldsein | |
| adres | Molestrjitte 4 | |
| koördinaten | 52° 56'N 5° 37'E | |
| bysûnderheden | ||
| type mûne | stellingmûne | |
| funksje | nôtmûne | |
| flecht | 20,0 / 20,15 meter | |
| boujier | 1742 | |
| oare ynformaasje | ||
| eigner | Gem. Súdwest-Fryslân | |
| monumintale status |  ryksmonumint | |
| monumintnûmer | 39846 [1] | |
| Webside | ||
| Side 't Laam | ||
| Kaart | ||
  | ||
Wâldsein hat mear mûnen hân en der wurdt wolris ornearre dat de mûne 17e-iuwsk is, mar út dendrochronologysk ûndersyk hat bliken dien dat it hout fan de achtkant yn 1738/1740 kapt is.
De lêste mûnder ferkocht yn 1960 't Laam oan de gemeente Wymbritseradiel. Yn 1999 kocht de gemeente ek it mûndershûs oan, dat dêrnei yn it oarspronklike oansjen werom restaurearre waard. De tsjintwurdige eigner fan de mûne is noch jimmeroan de gemeente (nei de weryndieling Súdwest Fryslân).
Sûnt it jier 2000 is yn de mûnderswenning neist 't Lam in mûne-ynformaasjesintrum en mûnewinkel foar de ferkeap fan Fryske streekprodukten ûnderbrocht. Yn 2001 is it pelwurk fan de mûne yn eare wersteld. In pear kear yn it jier wurdt der wer koarn ta grôt peld.
De stiennen ûnderbou is oant de stelling 5,10 meter heech. It achtkant is reiddutsen. De flecht fan de mûne is 20 meter en de wjukken hawwe âld-hollânsk hekwurk. Wjukferbettering is nea tapast. De oare wynmûne yn Wâldsein is De Jager.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
