Pitts waard berne as Eliza Susan Pitts, mar krige rillegau de bynamme Zasu. Har heit Rulandus Pitts ferlear in skonk yn de Amerikaanske Boargeroarloch. Pitts waard grutbrocht yn in rêstige húshâlding.
Har teäterdebút wie yn 1915. Se waard opmurken troch senarioskriuwer Frances Marion, dy't har in rol joech yn The Little Princess (1917). Hoewol't Pitts har ûntjoech ta in komédienne, wie hja yn de perioade fan de stomme film fral bekend fan har rol yn de oerenlange dramafilm Greed (1924).
It hichtepunt fan har karriêre wie yn de jierren tweintich. Yn de jierren tritich wie se fral te sjen yn B-films en waard se cast yn koarte films. Har tsjinspylster wie doe faak Thelma Todd.
Doe't Pitts âlder waard en har sûnes tebek rûn, bleau se hold se byrollen yn films. Har lêste film makke se yn 1963, itselde jier dat se weirekke. Se stoar yn de âldens fan 69 jier oan kanker.
ZaSu Pitts (1920)
Pitts wie fan 1920 oant 1933 boaske oan Thomas Sarsfield Gallery. De akteur Gallery waard in bekend promoter fan it boksen yn Los Ageles en waard letter ek in bestjoerden yn de tillefyzjewrâld. It pear hie twa bern: Ann Gallery (1922) en Donald Michael "Sonny" Gallery (berne as Marvin Carville La Marr), dy't se oannaam nei de dea fan syn mem, har freondinne en aktrise Barbara La Marr. Fan 1933 oant har dea wie hja boaske oan John Edward "Eddie" Woodall.
ZaSu Pitts krige op 8 febrewaris 1960 in stjer op de Hollywood Walk of Fame foar har bydragen oan de film.
Yn 1994 waard hja eare mei in byldnis op in Amerikaanske postsegel, lykas ek de filmstjerren Rudolph Valentino, Clara Bow and Charlie Chaplin, as part fan 'The Silent Screen Stars stamp set', ûntwurpen troch karikaturist Al Hirschfeld. Yn Parsons, Kansas, leit in stjertegel foar de yngong fan it Parsons Theatre ta har oantins.
akteur
Amerikaansk
