From Wikipedia, the free encyclopedia
It Ynternasjonaal Filmfestival fan Tessaloniki (Gryksk: Φεστιβάλ Κινηματογράφου Θεσσαλονίκης, Festibál Kinematográfou Thessaloníkes) is in filmfestival dat elts jier yn novimber holden wurdt yn 'e Grykske stêd Tessaloniki. It evenemint bestiet sûnt 1960 en is ien fan 'e âldste filmfestivals op 'e Balkan.
Ynternasjonaal Filmfestival fan Tessaloniki | ||
![]() | ||
Bylden fan it Ynternasjonaal Filmfestival fan Tessaloniki. | ||
plak en tiid | ||
lân | ![]() | |
krite | ![]() | |
plak | ![]() | |
tiid fan it jier | novimber | |
bysûnderheden | ||
soarte evenemint | filmfestival | |
sjenre | ûnôfhinklike films | |
bestean | 1960 – no | |
offisjele webside | ||
www.filmfestival.gr |
It Ynternasjonaal Filmfestival fan Tessaloniki bestiet sûnt 1960, doe't it oprjochte waard op inisjatyf fan 'e skriuwer, oersetter en filmkritikus Pavlos Zannas. Oarspronklik hiet it de Grykske Filmwike, en fan 1966 ôf it Gryksk Filmfestival fan Tessaloniki. Yn 1991 krige it syn hjoeddeistige namme.
It Ynternasjonaal Filmfestival fan Tessaloniki is ien fan 'e âldste en meast foaroansteande filmfestivals op 'e Balkan. It wurdt organisearre troch in eigen stifting ûnder tafersjoch fan it Gryksk Ministearje fan Kultuer. It Ynternasjonaal Filmfestival fan Tessaloniki is yn haadsaak wijd oan filmhûsfilms en oare ûnôfhinklike films. Deselde organisaasje is ek ferantwurdlik foar it jierlikse Dokumintêrefilmfestival fan Tessaloniki, dat yn maart plakfynt.
Op it Ynternasjonaal Filmfestival fan Tessaloniki wurde ûnôfhinklike films fan oer de hiele wrâld fertoand. De represintative edysje fan 2018 waard besocht troch 80.000 belangstellenden. De lokaasje foar it festival is fan âlds de histoaryske Olympion-bioskoop oan it Aristostelesplein. Sûnt 1999, doe't dat gebou te lyts waard, wurde ek fjouwer nije bioskopen yn 'e haven fan Tessaloniki brûkt, dy't dêr boud binne yn âlde pakhuzen.
It Ynternasjonaal Filmfestival fan Tessaloniki omfettet de folgjende seksjes:
Yn 'e marzje fan it Ynternasjonaal Filmfestival fan Tessaloniki wurdt fierders sûnt 2005 Agora holden, in platfoarm foar it lizzen fan konneksjes tusken filmprodusinten en regisseurs út ferskillende lannen.
Op it Ynternasjonaal Filmfestival fan Tessaloniki wurde de folgjende prizen útrikt:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.