![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/08/Last_supper-Philippe_de_Champaigne-MBA_Lyon_A40-IMG_0397.jpg/640px-Last_supper-Philippe_de_Champaigne-MBA_Lyon_A40-IMG_0397.jpg&w=640&q=50)
Wite Tongersdei
From Wikipedia, the free encyclopedia
Wite Tongersdei is de fyfte dei yn de Goede Wike. Op dizze dei betinke kristenen it lêste jûnsmiel fan Kristus mei de tolve apostels foar de krusiging. Liturgysk wurdt de dei omskreaun as Feria quinta in coena Domini (Fyfte dei, Jûnsmiel fan de Hear").
![Thumb image](http://upload.wikimedia.org/wikipedia/commons/thumb/0/08/Last_supper-Philippe_de_Champaigne-MBA_Lyon_A40-IMG_0397.jpg/640px-Last_supper-Philippe_de_Champaigne-MBA_Lyon_A40-IMG_0397.jpg)
De Wite Tongersdei is de dei foar Goed Freed. Mei de fesper begjint op de jûn fan Wite Tongersdie it Triduum Sacrum, dat wol sizze de fiering fan Goed Freed (it lijen fan Kristus), Stille Saterdei (de dea fan Kristus) en Peaskesnein (de opstanning fan Kristus). Fanwegen it lêste jûnsmiel en de troch Jezus Kristus sels ynfierde eucharisty hat Wite Tongersdei in hege status yn de liturgy. De liturgyske kleur fan Wite Tongersdei is wyt, dêr't de dei de namme oan ûntlient.
Op de foarjûn fan de dei wêrop it ferstjerren fan de Hear betocht wurdt, binne der tal fan tsjinsten yn protestanske en katolike tsjerken om it sakramint fan it Hillich Jûnsmiel te fieren. It is in katolyk gebrûk om op Wite Tongersdei de krúsbylden en oare bylden mei in wyt lekken ôf te dekken. Ek wurdt it Hillich Sakramint út it tabernakel helle en oerbrocht nei in rêstalter. Under it sjongen fan it Gloria liede de klokken om dêrnei te swijen oant it Gloria op peaskejûn, as de earste tsjinst plak fynt om de ferrizenis fan Jezus te fieren.