From Wikipedia, the free encyclopedia
It gemeentewapen fan Skiermûntseach waard fêststeld op 19 oktober 1954 as
Yn sulver in omkearde mûnts mei tonsuer en koarte brune burd, klaaid yn in grize pij mei kape, dragend om de mul in learen riem, alles fan itselde, skoaid fan sabel, steande op in gersgrûn; de linkerhân opheft mei opstutsen wiisfinger. It skyld dekt troch in gouden kroan van 5 blêden.
It wie in ferfanging fan dy fan 25 maart 1818 mei as beskriuwing
Yn sulver in omkearde mûnts, klaaid yn in pij fan brún, dragend om syn mul in riem, dêroan in krúske oan in keatling, de linkerhân opstutsen mei omstutsen wiisfinger, dragende yn de rjochterhân in keatling, wêroan in krúske fan sulver en steande op in grûn fan grien. It skyld dekt troch in goeden kroan fan 5 blêden.
It wapen is sprekkend; de namme Skiermûntseach betsjut 'eilân fan de skiere mûntsen'. De eardere eigener fan it eilân wie it sistersjenzer kleaster Klaarkamp yn Rinsumageast. Dy mûntsen droegen in skier-grize pij.
Hoe âld oft it wapen is, is net bekend. It âldst is in 18e iuwsk segel, wêrop in dield skyld, it boppeste beladen mei in peal, hâlden troch twa liuwen, útkommende út de dielingsline, ûnder in earn. As hertskyld in rûn skyld mei in mûnts. It gehiel dekt troch in fiifblêdige kroan.
It giet hjir om it wapen fan de destiidske Hearen fan Skiermûntseach, wêrby't de mûnts dus as symboal fan it eilân yn in hertskyld setten waard.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.