Verchotoerje

Verchotoerje (Russysk: Верхотурье; oerset: "Boppe de Toera") is ien fan 'e âldste Russyske plakken eastlik fan 'e Oeral en it âldste plak fan 'e oblast Sverdlovsk. It leit likernôch 300 kilometer noardlik fan Jekaterineburch oan 'e lofter kant fan 'e Toera, in sydrivier fan 'e Tobol.

Verchotoerje
Emblemen
Bestjoer
Lân	Ruslân
oblast	Sverdlovsk
Sifers
Ynwennertal	6.578 (2023)
Oerflak	9 km²
Befolkingsticht.	730 ynw./km²
Hichte	115 m (sintrum)
Oar
Stifting	1578
Tiidsône	UTC+5
Koördinaten	58° 52' N 60° 48' E
Offisjele webside
adm-verhotury.ru
Kaart

Skiednis

It plak waard yn 1597 as in ostrog op it plak fan 'e Mansyske delsetting Neromkarr stifte by in ekspedysje fan Vasili Golovin en Ivan Vojejkov. Al gau waard it plak in bestoerlik sintrum foar de kolonisaasje fan it gebiet. Oant healwei de 18e iuw wie it sels in wichtich ekonomysk sintrum foar Sibearje. Om dy tiid hinne hellen lykwols Jekaterineburch en Pervo-oeralsk Verchotoerje yn. De stêd waard sûnt dy tiid in belangryk otterdoks sintrum en is dat noch jimmeroan.

Yn 1926 ferlear it plak de status fan stêd, dy't yn 1947 werom jûn waard.

It besjen wurdich

Grutte dielen fan 'e âldste stêd binne bewarre bleaun, it neamen wurdich binne û.o.:

• It kremlyn fan Verchotoerje: it iennige kremlyn fan de Sintrale-Oeral; tusken 1699 oant 1712 yn stien werboud. It is it jongste en lytste kremlyn fan Ruslân. Yn it kremlyn stiet de barokke Trije-ienheidskatedraal.
• It Pokrovski-kleaster (Foarbeakleaster; it earste nonnekleaster fan Sibearje).
• It Nikolaaskleaster, dat ta de grutste kleasters fan it lân heart.
• De houten arsjitektuer yn 'e stêd.

Befolkingsûntwikkeling

Jier	1856	1897	1959	1970	1979	1989	1992	2000	2010	2015	2022
Befolking	3.000	3.200	10.917	9.688	8.966	8.973	9.000	8.400	8.820	8.748	8.525

Ofbylden dy't by dit ûnderwerp hearre, binne te finen yn de kategory Verchotoerje fan Wikimedia Commons.