![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/21/The_hurt_locker.svg/langfy-640px-The_hurt_locker.svg.png&w=640&q=50)
The Hurt Locker
From Wikipedia, the free encyclopedia
The Hurt Locker is in Amerikaanske oarlochsdramafilm út 2008 ûnder rezjy fan Kathryn Bigelow, mei yn 'e haadrollen Jeremy Renner, Anthony Mackie en Brian Geraghty. De titel betsjut letterlik "It Pineklúske"; dat is (yn 'e sin fan they sent him to the hurt locker) yn it Amerikaansk-Ingelske militêr jargon in term foar "ferwûne reitsjen". De film folget de leden fan in eksplosive-oprommingsteam fan it Amerikaanske Leger yn 2004 by harren wurk ûnder de Irakoarloch, en besteget dêrby benammen oandacht oan 'e psychologyske reäksjes op 'e oanhâldende oarlochssitewaasje, dy't foar de iene ûnferdraaglik en foar de oare ferslaavjend is. The Hurt Locker waard as ûnôfhinklike film foar it earst fertoand op it Ynternasjonaal Filmfestival fan Feneesje yn 2008, en waard troch de filmkritisy rûnom mei lof ûnthelle. Hoewol't it mar in beskieden kommersjeel súkses waard, wûn de film seis Oscars, seis BAFTA Awards, fjouwer Satellite Awards en in grut tal mindere prizen.
The Hurt Locker | ||
![]() | ||
(Filmposter yn 'e Ingelske Wikipedy) | ||
![]() | ||
makkers | ||
regisseur | Kathryn Bigelow | |
produsint | Kathryn Bigelow Mark Boal Nicolas Cartier Greg Shapiro | |
senario | Mark Boal | |
kamerarezjy | Barry Ackroyd | |
muzyk | Marco Beltrami Buck Sanders | |
filmstudio | Voltage Pictures Grosvenor Park Media Film Catiptal Europe Funds First Light Productions Kingsgate Films | |
distribúsje | Summit Entertainment (Fer. St.) Warner Bros. (Jeropa) | |
spilers | ||
haadrollen | Jeremy Renner Anthony Mackie Brian Geraghty | |
byrollen | Guy Pearce Christian Camargo David Morse Ralph Fiennes Evangeline Lilly | |
skaaimerken | ||
lân/lannen | ![]() | |
premiêre | 10 oktober 2008 | |
foarm | langspylfilm | |
sjenre | oarlochsdrama | |
taal | Ingelsk (ek wat Arabysk) | |
spyltiid | 131 minuten | |
budget en resultaten | ||
budget | $15 miljoen | |
opbringst | $49,2 miljoen | |
prizen | 6× Oscar 6× BAFTA Award 4× Satellite Award |