From Wikipedia, the free encyclopedia
Salem is de haadstêd fan de Amerikaanske steat Oregon en haadplak fan Marion County. De namme is ôflaat fan it Hebriuwske sjalom, dat 'frede' betsjut.
| Salem | ||
 | ||
| It Kapitool fan Oregon yn Salem | ||
| Bestjoer | ||
| Lân | Feriene Steaten | |
| Steat | Oregon | |
| County | Marion County, Polk County | |
| Sifers | ||
| Ynwennertal | 154.637 (2010) | |
| Oerflak | 120,1 km² | |
| Befolkingsticht. | 1.246,5 / km² | |
| Hichte | 46,7 m | |
| Oar | ||
| Stifting | 1842 | |
| Tiidsône | PST (UTC−8) | |
| Simmertiid | PDT (UTC−7) | |
| Offisjele webside | ||
| Offisjele webside Salem | ||
Yn 1851 waard Salem haadstêd fan Oregon. Yn 1855 wie Korvallis in skoftke haadstêd, mar noch itselde jier waard Salem foar fêst oanwiisd as haadstêd.
It plak leit yn it middenpart fan de tige fruchtbere Willamettedelling; de rivier de Willamette rint troch de stêd. De rivier foarmet de grins tusken de countys Marion en Polk sadat de wyk West Salem yn Polk County leit. De bynamme fan de stêd is 'kjersestêd', fanwege it belang fan kerseferbou yn de omkriten en it jierlikse kersefestival dat dêr holden wurdt. It earste festival wie yn 1903.
Salem hat twa universiteiten, de Willamette Universiteit en de Corban Universiteit. De steat Oregon is de grutste wurkjouwer yn de stêd en it sikehûs fan Salem is de grutste partikuliere wurkjouwer.
Fan de befolking is 12,4 % âlder as 65 jier en bestiet foar 28,3 % út ienpersoanshúshâldings. De wurkleazens beslacht 5,6 % (sifers folkstelling 2000).
Likernôch 14,6 % fan de befolking fan Salem bestiet út hispanics en latino's, 1,3 % is fan Afrikaanske oarsprong en 2,4 % fan Aziatyske komôf.
It oantal ynwenners gie omheech fan 108.846 yn 1990 nei 154.637 yn 2010.
Jannewaris hat in trochsneed temperatuer fan 4,2 °C, yn july is dat 19,1 °C. Der falt trochstrings 994,7 mm delslach it jier (feiten op basis fan de mjitperioade 1961-1990).
 | Ofbylden dy't by dit ûnderwerp hearre, binne te finen yn de kategory Salem, Oregon fan Wikimedia Commons. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
