In wynstreek, wynrjochting, kompasstreek of himelstreek is in rjochtingsoantsjutting dy't brûkt wurdt yn it ramt fan 'e navigaasje en de plakbepaling (mei lingte- en breedtegraden). Der binne 4 haadwynstreken (ek wol kardinale rjochtings neamd), ntl.: it noarden (n.), it easten (e.), it suden (s.) en it westen (w.). Dêrby moat men yn 'e rekken hâlde dat by it by it oantsjutten fan 'e wynrjochting om in beweging giet. In westewyn is sadwaande in wyn dy't út it westen wei nei it easten ta blaast. Itselde jildt foar streamings yn 'e atmosfear (fan bgl. in hegedrukgebiet of in reinsteuring).
Njonken de haadwynstreken binne der 4 tuskenlizzende wynstreken (ek wol ynterkardinale of ordinale rjochtings), ntl.: it noardeasten (n.e.), dat de midden hâldt tusken it noarden en it easten; it súdeasten (s.e.), dat tusken it easten en it suden yn leit; it súdwesten (s.w.), tusken it suden en it westen yn; en noardwesten (n.w.), tusken it westen en it noarden yn. Dêropta binne der 8 sekundêre ynterkardinale rjochtings: it noardnoardeasten (n.n.e.), it eastnoardeasten (e.n.e.), it eastsúdeasten (e.s.e), it súdsúdeasten (s.s.e), it súdsúdwesten (s.s.w.), it westsúdwesten (w.s.w.), it westnoardwesten (w.n.w.) en it noardnoardwesten (n.n.w.). Ta einbeslút binne der dan noch 16 tertiêre ynterkardinale rjochtings, begjinnend mei noard beëasten (n.n.n.e.), noardeast benoarden (e.n.n.e), noardeast beëasten (n.e.n.e.), east benoarden (e.e.n.e.), ensfh. Yn totaal komt men op dy manear op 32 beneambere wynrjochtings.
| graden | ôfkoarting | wynstreek |
|---|---|---|
| 0° | n. | noard |
| 11¼° | n.n.n.e. | noard beëasten |
| 22½° | n.n.e. | noardnoardeast |
| 33¾° | e.n.n.e. | noardeast benoarden |
| 45° | n.e. | noardeast |
| 56¼° | n.e.n.e. | noardeast beëasten |
| 67½° | e.n.e. | eastnoardeast |
| 78¾° | e.e.n.e. | east benoarden |
| 90° | e. | east |
| 101¼° | e.e.s.e. | east besuden |
| 112½° | e.s.e. | eastsúdeast |
| 123¾° | s.e.s.e. | súdeast beëasten |
| 135° | s.e. | súdeast |
| 146¼° | e.s.s.e. | súdeast besuden |
| 157½° | s.s.e. | súdsúdeast |
| 168¾° | s.s.s.e. | súd beëasten |
| 180° | s. | súd |
| 191¼° | s.s.s.w. | súd bewesten |
| 202½° | s.s.w. | súdsúdwest |
| 213¾° | w.s.s.w. | súdwest besuden |
| 225° | s.w. | súdwest |
| 236¼° | s.w.s.w. | súdwest bewesten |
| 247½° | w.s.w. | westsúdwest |
| 258¾° | w.w.s.w. | west besuden |
| 270° | w. | west |
| 281¼° | w.w.n.w. | west benoarden |
| 292½° | w.n.w. | westnoardwest |
| 303¾° | n.w.n.w. | noardwest bewesten |
| 315° | n.w. | noardwest |
| 326¼° | w.n.n.w. | noardwest benoarden |
| 337½° | n.n.w. | noardnoardwest |
| 348¾° | n.n.n.w. | noard bewesten |
| 360° | n. | noard |
Boarnen, noaten en referinsjes
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
