In útjefte of publikaasje (fan it Frânske publication, "iepenbiering") is in tekst, ôfbylding of in byld- of lûddrager dy't fermannichfâldige wurdt mei as doel om him ûnder de publike oandacht te bringen. Oarspronklik wie soks beheind ta it hânmjittich oerskriuwen fan 'e boarnetekst, mar sûnt de útfining fan 'e boekdrukkeunst, oan 'e ein fan 'e fyftjinde iuw, wurde útjeften yn 'e regel yn printe foarm ferspraat.
In útjefte wurdt publisearre yn in oplaach fan in beskaat tal eksimplaren, dy't in printinge of edysje neamd wurdt. As der letter in nije edysje fan deselde publikaasje makke wurdt, sprekt men fan in werútjefte of in werprintinge.
De wichtichste foarmen fan útjeften binne:
- literêre útjeften: romans, novelles, koarte ferhalen, gedichten, essays
- periodiken: kranten en tydskriften
- politike en kulturele útjeften: pamfletten, manifesten, brosjueres
- wittenskiplike útjeften: wittenskiplike non-fiksjeboeken, artikels yn tydskriften
- edukative útjeften: skoalboeken en algemiene non-fiksje
- neislachwurken: katalogussen, hânboeken, ensyklopedyen, gebrûksoanwizings
- reklame-útjeften: reklamekrantsjes, folders, advertinsjes yn kranten en tydskriften
- byld- en lûddragers: lp's, cd's, cd-roms, fideo's, dvd's
Boarnen, noaten en referinsjes
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
