Pälweerm

Pälweerm (Noardfrysk: Polweerm, Pälweerm, Deensk: Pelvorm, Dútsk: Pellworm), is in Noardfryske eilân. De oerflakte fan it eilân is 37,44 km², it op twa nei grutste Noard-Fryske eilân. It eilân bestiet út ien gemeente, dy't by it Amt Pälweerm heart (dat ek inkele omlizzende eilannen omfettet).

Lizzing

Op it eilân waard earder Noardfrysk sprutsen, yn de 18e iuw is de taal dêr útstoarn. Tsjintwurdich is de befolking Dútsktalich of sprekt Nedersaksysk.

It eilân, dat gjin sânstrân hat, is ûnderferdield yn kogen (Köge), âlde polders. It eilân leit trochstrings op 1 meter ûnder de seespegel en wurdt omklamme troch in 8 meter hege en 25 km lange seedyk. Pälweerm makke eartiids part út fan it eardere eilân Strân of Ald-Noardstrân, dat yn 1634 troch in stoarm foar in grut part fuortspield waard. In oar part dat oerbleau is it tsjintwurdige eilân Noardstrân.

Auto's binne tastien op Pälweerm, dat fia it buoreilân Noardstrân in fearferbining hat mei de fêstewâl. Dit fear is ûnôfhinklik fan it tij en hat in fêste tsjinstregeling.

Keppeling om utens

• www.pellworm.de

De fjoertoer fan Pälweerm

Fryske eilannen
Westfryske eilannen: Noarderheaks - Teksel - Flylân - de Richel - it Gryn - Skylge - It Amelân - de Kalkman - Rif - Skiermûntseach - Simenssân - Rottumerplaat - Rottumereach - Suderdúntsjes Eastfryske eilannen: Boarkum - Kachelotplate - Lütje Hörn - Memmert - Júst - Norderney - Baltrum - Langereach - Spikereach - Wangereach - Minsener Each - Mellum Noardfryske eilannen: Helgolân - Jongnammensân - Knyp - Japsân - Sudereachsân - Noardereachsân - Noardstrân - de Halligen - Pälweerm - Oomram - Feer - Uthörn - Söl - Koardesân - Jordsân - Romeach - Mandeach - Faaneach - Langli Ferdwûn: Bant - Bosk - Buise
· ·